كاره‌بای به‌كره‌جۆ هه‌ڵمه‌تێكی بڕینی كاره‌بایی نایاسایی ئه‌نجامدا

.

به‌مه‌به‌ستی نه‌هێشتنی كاره‌بای نایاسایی و زیاده‌ڕه‌ویكردنه‌ سه‌ر تۆڕی كاره‌بای نیشتمانی، فه‌رمانگه‌ی كاره‌بای به‌كره‌جۆ، له‌ چه‌ند گه‌ڕه‌كێكی به‌كره‌جۆ هه‌ڵمه‌تێكی بڕینی كاره‌بای نایاسایی ئه‌نجامدا .

ئه‌ندازیار دیار باجه‌لانی، لێپرسراوی فه‌رمانگه‌ی كاره‌بای به‌كره‌جۆ رایگه‌یان: ئه‌مڕۆ سێشه‌ممه‌  16-10-2018 تیمه‌كانی سیانه‌ی كاره‌بای به‌كره‌جۆ، هه‌ڵمه‌تێكیان ئه‌نجامداوه‌ بۆ بڕینی كاره‌با نایاسایی و زیاده‌ڕه‌ویكردنه‌ سه‌ر تۆڕی كاره‌بای نیشتمانی و له‌چوارچێوه‌یه‌شدا كاره‌بای چه‌ندین خانوو و ته‌لاری بازرگانیان بڕیوه‌، كه‌ به‌شێوه‌ی نایاسا كاره‌بایان بردبوو.

راشیگه‌یاند: ئه‌و شوێنانه‌ی كه‌ كاره‌بایان به‌شێوه‌ی نایاسایی راكێشابوو، به‌هۆی ئه‌وه‌ی كه‌ پێوه‌ریان نه‌بووه‌، فشاری زۆریان خستووه‌ته‌ سه‌ر محه‌ویله‌كانی كاره‌با و به‌و هۆیه‌وه‌ ژماره‌یه‌ك محاویله‌ سووتاون.

وتیشی: ئه‌و كه‌سانه‌ی به‌نایاسایی كاره‌بایان راكێشاوه‌، جگه‌ له‌وه‌ی سزاده‌درێن و كاره‌باكه‌یان ده‌بڕێت، به‌ڵێننامه‌یان لێوه‌رده‌گیرێت، كه‌ له‌ ماوه‌ی 10 رۆژدا مامه‌ڵه‌ یاسایی هاوبه‌شی كاره‌بایان ته‌واو بكه‌ن.

لێپرسراوی فه‌رمانگه‌ی كاره‌بای به‌كره‌جۆ جه‌ختیشیكردوه‌، كه‌ هه‌ڵمه‌تی بڕینی كاره‌بایایی نایاسایی به‌ده‌وام ده‌بێت.

PUKmedia