شه‌نگال.. روفاتی گۆڕه‌ به‌كۆمه‌ڵه‌كانی ئێزیدیه‌كان ده‌گه‌ڕێنرێته‌وه‌

.

گۆڕێكی به‌كۆمه‌ڵی كوردانی ئێزیدی له‌ گوندی كه‌سر میحراب له‌ ته‌له‌عفه‌ر هه‌ڵدراوه‌ته‌وه‌ و لیژنه‌یه‌كی لێكۆڵینه‌وه‌ی جینۆسایدیش بۆ دیاریكردنی ره‌گه‌زنامه‌كانیان له‌ به‌غداده‌وه‌ گه‌یشتونه‌ته‌ شه‌نگال.

ئه‌مڕۆ دووشه‌ممه‌ 15-10-2018 گورێكی به‌كۆمه‌ڵی كوردانی ئێزیدی له‌ گوندی كه‌سر میحراب  هه‌ڵدراوه‌ته‌وه‌ كه‌ 18 روفاتی تێدایه‌و  سه‌رجه‌میان كوردی ئێزیدین، و  له‌وباره‌یه‌وه‌ حسێن ده‌رمان سه‌رپه‌رشتیاری مه‌ڵبه‌ندی شه‌نگال به‌ PUKmedia ی راگه‌یاند: به‌هاوكاری تیمێكی عیراقی توانراوه‌ ناسنامه‌ی هه‌شت له‌ روفاته‌كان یه‌كلایی بكرێته‌وه‌و ره‌وانه‌ی شه‌نگال بكرێنه‌وه‌.

وتیشی: حه‌وت كه‌سیان خه‌ڵكی گوندی كۆچۆن و ئه‌وه‌ی تریش خه‌ڵكی حاتییه‌ و لێكۆڵینه‌وه‌ له‌ ناسنامه‌كانیان به‌رده‌وامه‌.

له‌ 3ی ئابی 2014 تیرۆرستانی داعش هێرشیانكرده‌ سه‌ر شه‌نگال و به‌و هۆیه‌وه‌ سه‌دان هاووڵاتی ئه‌و شاره‌یان شه‌هید كرد و ژماره‌یه‌كی زۆریش له‌ ژنو كچی ئێزیدی رفاندووه‌  كه‌ به‌شێكی زۆریان تائێستا چاره‌نووسیان نادیاره‌.

PUKmedia تایبه‌ت