ئاسایشی سلێمانی سزادانی دوو تۆمه‌تباری راگه‌یاند

.

له‌ درێژه‌ى كارو چالاكیه‌كانى به‌ڕێوه‌به‌رایه‌تى ئاسایشى پارێزگاى سلێمانى دوو تۆمه‌تبار به‌ تاوانی بازرگانیكردن به‌ مادده‌ هۆشبه‌ره‌كان ده‌ستگیركران و له‌ ئێستادا به‌ بڕیاری دادوه‌ر سزادراون .

له‌ راگه‌یه‌نراوێكی به‌ڕێوه‌به‌رایه‌تی ئاسایشی سلێمانی كه‌وێنه‌یه‌كی بۆ PUKmedia نێردراوه‌، راگه‌یه‌نراوه‌: به‌مه‌به‌ستى نه‌هێشتن و بنبڕكردن و بازرگانى پێكردنى هه‌موو جۆره‌ مادده‌یه‌كى هۆشبه‌ر و هه‌ر جۆره‌ كارێكى نایاسایی،  هێزه‌كانیان توانیویانه‌ له‌ڕۆژانى  16-3-2018 و 18-3-2018 به‌بڕیارى دادوه‌ر، له‌پارێزگاى سلێمانى دوو كه‌س ده‌ستگیر بكه‌ن.

هه‌ر له‌ راگه‌یه‌نراوه‌كه‌دا ئاماژه‌ به‌وه‌ دراوه‌،  به‌پێی مادده‌ى  14 مخدرات، له‌لایه‌ن دادگاى تاوانه‌كانى سلێمانى،رۆژی 10-10-2018  تۆمه‌تباره‌كان سزادران و هه‌ریه‌كه‌یان به‌ بڕی 450000 چوارسه‌دوپه‌نجا هه‌زار دینار غه‌رامه‌ كراون، كه‌ یه‌كێكیان ناوی (هـ ، ڕ ، ح) ه‌و له‌دایك بوى ساڵى ( 1989 ) ره‌گه‌زى (نێر)ه‌و پیشه‌ى كاسبه‌و بۆ ماوه‌ی 8 مانگ سزادراوه‌. تۆمه‌تباره‌كه‌ی دیكه‌شیان ناوی (ی ، ع ، ح)ه‌و له‌دایك بوى ساڵى ( 1977 )ه‌و ڕه‌گه‌زى نێره‌و  پیشه‌ى كاسبه‌،  سزادرا بۆ ماوه‌ى 10مانگ.

PUKmedia راگه‌یاندنی ئاسایشی سلێمانی