نوێنه‌ران ده‌نگ له‌سه‌ر پێكهێنانی لیژنه‌ هه‌میشه‌ییه‌كان ده‌دات

.

بڕیاره‌ ئه‌مڕۆ ئه‌نجومه‌نی نوێنه‌رانی عیراق كۆبوونه‌وه‌ی ئاسایی خۆی ئه‌نجامدات و تێیدا ده‌نگ له‌سه‌ر لیژنه‌ هه‌میشه‌كانی نوێنه‌ران بدرێت.

 به‌ختیار شاوه‌یس ئه‌ندامی ئه‌نجومه‌نی نوێنه‌رانی عیراق له‌سه‌ر فراكسیۆنی یه‌كێتیی نیشتمانیی كوردستان ئه‌مڕۆ 15-10-2018، به‌ PUKmedia ی راگه‌یاند: ئه‌مڕۆ ئه‌نجومه‌نی نوێنه‌ران كۆده‌بێته‌وه‌و تێیدا ده‌نگ له‌سه‌ر پێكهێنانی لیژنه‌ هه‌میشه‌ییه‌كانی نێو نوێنه‌ران ده‌درێت.

 راشیگه‌یاند: بڕیاره‌ هه‌ر له‌دانیشتنی ئه‌مڕۆدا گفتوگۆ له‌سه‌ر بڕیارێك بكرێت، له‌باره‌ی دانی پله‌ی تایبه‌ت به‌ هه‌ندێ كه‌س له‌لایه‌ن حكومه‌ته‌وه‌ كه‌ دوای هه‌ڵبژاردنه‌كانی ئه‌مساڵی په‌رله‌مان ئه‌نجامدراوه‌، وتیشی: له‌ كۆبوونه‌وه‌كه‌دا گفتوگۆ له‌سه‌ر پلانی قبوڵ مه‌ركه‌زی و تاقیكردنه‌وه‌ی خولی سێیه‌می خوێندنی باڵا ده‌كرێت، كه‌ وه‌زیری خوێندنی باڵاو توێژینه‌وه‌ی زانستیش ئاماده‌ ده‌بێت. 

PUKmedia تایبه‌ت