حزبی شیوعیی پیرۆزبایی له‌ د.به‌رهه‌م ده‌كات

.

به‌ بۆنه‌ی هه‌ڵبژاردنی به‌ سه‌رۆك كۆماری عیراق، دكتۆر به‌رهه‌م ساڵح نامه‌یه‌كی پیرۆزبایی له‌ مه‌كته‌بی سیاسیی حزبی شیوعیی عیراقه‌وه‌ پێگه‌یشت، ئه‌مه‌ش ده‌قه‌كه‌یه‌تی:

"به‌ڕ‌ێز دكتۆر به‌رهه‌م ساڵح
سه‌رۆك كۆماری عیراق
به‌ بۆنه‌ی هه‌ڵبژاردنتان به‌ سه‌رۆك كۆماری عیراق، له‌ كانگه‌ی دڵه‌وه‌ گه‌رمترین پیرۆزباییتان ئاراسته‌ ده‌كه‌ین و به‌ هیوای سه‌ركه‌وتنتانین له‌ راپه‌ڕ‌اندنی ئه‌ركه‌ نوێیه‌ مه‌زنه‌كانتاندا.

هاوكات هیوای به‌هێزمان له‌ هه‌وڵه‌ به‌رده‌وامه‌كانتان له‌گه‌ڵ هێز و پارت و كوتله‌ سیاسییه‌ نیشتمانییه‌ عیراقییه‌كانی تردا ده‌رده‌بڕین و ئاواته‌خوازین به‌ جیاوازی بیروبۆچونه‌كانیان و به‌په‌یوه‌ندییه‌ باشه‌كانت له‌سه‌ر هه‌ردو ئاستی ناوچه‌یی و نێوده‌وڵه‌تییدا خواسته‌كانی گه‌له‌كه‌مان له‌ ئاسایش و ئۆقره‌یی، قه‌ڵاچۆكردنی گه‌نده‌ڵیی، دابین كردنی خزمه‌تگوزارییه‌كان، چه‌سپاندنی بناغه‌كانی قانون، عه‌داله‌تی كۆمه‌ڵایه‌تیی و بنیاتنانی عێراقیكی دیموكراسیی فیدراڵیی یه‌كگرتودا به‌دی بهێنێت.

له‌گه‌ڵ ئومێدی هاریكاریی زیاترمان له‌ پێناوی مه‌سه‌له‌ ره‌واكانی گه‌له‌كه‌ماندا به‌ هه‌مو پێكهاته‌كانه‌وه‌، سه‌رله‌نوێ پیرۆزبایی و هیوامان ده‌رده‌بڕ‌ین بۆ به‌ئاكام گه‌یاندنی ئه‌ركه‌كانی سه‌رشانتان.
شانازیی و رێزی زۆرمان په‌سه‌ند بفه‌رمون.

مه‌كته‌بی سیاسیی حزبی شیوعیی عێراق

PUKmedia نوسینگه‌ی رۆژنامه‌وانی سه‌رۆك كۆمار