ره‌ققه‌.. بۆمب به‌ناو كۆڵانه‌كاندا بڵاوه‌ پێكراوه‌

.

دوای پاككردنه‌وه‌ی له‌ تیرۆرستانی داعش له‌لایه‌ن شه‌ڕڤانانی سوپای سوریای دیموكراته‌وه‌، له‌هه‌موو شوێنێكی شاری ره‌ققه‌ بۆمب و ته‌قه‌مه‌نی پاشماوه‌كانی جه‌نگ و داعش بڵاوه‌یان كردوه‌و هه‌ڕه‌شه‌ له‌ژیانی هاووڵاتیان ده‌كه‌ن.

شیمار حیمۆ چالاكوانی سیاسی له‌رۆژئاوای كوردستان به‌ PUKmedia ی راگه‌یاند: به‌هه‌زاران بۆمب له‌سه‌دان جۆر له‌ناو شه‌قام و كۆڵان و ماڵانی رووخاو ده‌وروبه‌ری شاری ره‌ققه‌  كه‌پاشماوه‌كانی جه‌نگی دژ به‌داعشن بڵاوه‌یان پێكراوه‌و مه‌ترسیان بۆ سه‌ر ژیانی هاووڵاتیان هه‌یه‌.

وتیشی: تیمه‌كانی شه‌ڕڤانانی سوپای سوریای دیموكرات و شاره‌زا ئه‌مریكیه‌كان به‌رده‌وامن له‌پاككردنه‌وه‌ی ئه‌و شاره‌، به‌ڵام به‌هۆی زۆری ژماره‌ی بۆمبه‌كانه‌وه‌ كاره‌كه‌ له‌سه‌ره‌تایه‌و هێشتا نه‌توانراوه‌ رێژه‌یه‌كی زۆری لێ پاكبكرێته‌وه‌.

ئه‌و چالاكوانه‌ ئه‌وه‌شی ووت: له‌ماوه‌ی چه‌ند مانگی رابردوودا به‌هۆی ئه‌و بۆمبانه‌ ژماره‌یه‌كی زۆر هاووڵاتی گیانیانله‌ده‌ستداوه‌و برینداربوون.

PUKmedia سامان یاروه‌یس