ده‌رمانخانه‌یه‌ك له‌ سلێمانی داده‌خرێت

.

به‌هۆی پابه‌ندنه‌بوون به‌ مه‌رجه‌كانی كاركردنی سیستمی ته‌ندروستی، له‌لایه‌ن لیژنه‌ هاوبه‌شه‌كانی قائیمقامیه‌تی سلێمانییه‌وه‌ ده‌رمانخانه‌یه‌ك داده‌خرێت.

د. ئاریان عومه‌ر سه‌رۆكی لیژنه‌ هاوبه‌شی ته‌ندروستی رایگه‌یاند: به‌هۆی پابه‌ند نه‌بوونی به‌ مه‌رج و رێنماییه‌كان كارنه‌كردن به‌‌ سیستمی ته‌ندروستی، ده‌رمانخانه‌ی هایما له‌ گه‌ڕه‌كی سه‌روه‌ری شاری سلێمانی داده‌خرێت.

وتیشی: له‌كاتی سه‌ردان و پشكنینی لیژنه‌ی هاوبه‌شی ته‌ندروستی بۆ ده‌رمانخانه‌كه‌ ده‌ركه‌وتووه‌ بڕێكی زۆر ده‌رمانی ماوه‌به‌سه‌رچوو له‌ شوێنه‌كه‌یدا هه‌یه‌ و خاوه‌نه‌كه‌شی پسپۆڕی له‌بواری ده‌رمانسازیدا نییه‌‌ كه‌ مه‌ترسی پێدانی ده‌رمانی هه‌ڵه‌ به‌‌ نه‌خۆشی لێده‌كرێت، هه‌روه‌ها پێچه‌وانه‌ی رێنماییه‌كانی كاركردنه‌ له‌ ده‌رمانخانه‌كاندا.

راشیگه‌یاند: خاوه‌نه‌كه‌ی به‌نیازبووه‌ ده‌رمانه‌ به‌سه‌رچوه‌كان به‌سه‌ر هاووڵاتیانی شاری سلێمانی و گه‌ڕه‌كه‌كه‌ ساخ بكاته‌وه‌ به‌بێ ره‌چاوكردنی زیانی ده‌رمانه‌كه‌ بۆسه‌ر ته‌ندروستی نه‌خۆشه‌كان.

هه‌ره‌ك وتیشی: به‌فه‌رمانی قائیمقامی سلێمانی و له‌لایه‌ن لیژنه‌ هاوبه‌شه‌كانه‌وه‌ ده‌رمانخانه‌كه‌ داده‌خرێت و خاوه‌نه‌كه‌شی كارڕای پێویستی به‌رامبه‌ر ده‌گیرێته‌به‌ر، داوای له‌ هاووڵاتیانیش كرد، له‌كاتی كڕینی ده‌رمان سه‌رنج بده‌ن له‌‌ به‌رواری دروستكردن و به‌سه‌رچونه‌كه‌ی، له‌كاتی هه‌بوونی ده‌رمانی‌ به‌سه‌رچودا لیژنه‌هاوبه‌شه‌كانی لێ ئاگادار بكه‌نه‌وه‌.

PUKmedia راگه‌یاندنی قائیمقامیه‌تی سلێمانی