وێنه‌..ورده‌كاری گیانله‌ده‌ستدانی دنیا وه‌یسی

.

 له‌رۆژی دوو شه‌ممه‌ی رابردوودا به‌هۆی داڕوخانی دیواری خوێندنگایه‌ك له‌گوندێكی سه‌ربه‌ شاری سنه‌ی رۆژهه‌ڵاتی كوردستان منداڵێكی شه‌ش ساڵانی قۆناغی یه‌كی سه‌ره‌تایی گیانیله‌ده‌ستدا.

به‌پێی وته‌ی كه‌سوكاری دنیا وه‌یسی، كه‌له‌ میدیاكانی ئێران و رۆژهه‌ڵاتی كوردستان بڵاوكراوه‌ته‌وه‌، ئه‌و خوێندكاره‌ له‌پۆلی یه‌كی سه‌ره‌تایی بووه‌ له‌گوندی گه‌رماشی سه‌ربه‌ پارێزگای سنه‌ و له‌كاتی چوونی بۆ خوێندنگا  له‌پاڵ یه‌كێك له‌دیواره‌كانی بینای خوێندنگاكه‌ی وه‌ستاوه‌و به‌هۆی كۆنی ئه‌و دیواره‌وه‌ به‌سه‌ریدا داڕوخاوه‌.

بڵاوبونه‌وه‌ی هه‌واڵه‌كه‌ كاردانه‌وه‌ی زۆری به‌دوای خۆیدا هێناوه‌، چالاكوانان حكومه‌ت تۆمه‌تبار ده‌كه‌ن به‌وه‌ی نه‌یتوانیوه‌ زیاتر گرنگی به‌په‌روه‌رده‌و فێركردن بدات، له‌به‌رامبه‌ریشدا ئه‌كبه‌ری جه‌وهه‌ری داواكاری گشتی سنه‌، رایگه‌یاندوه‌:" خه‌ڵكی نیگه‌ران مه‌بن له‌به‌ر ئه‌وه‌ی ته‌واوی رێكاره‌ یاساییه‌كان ده‌گیرێته‌ به‌رو چاوه‌ڕوانی راپۆرتی پزیشكی دادوه‌رین".

ئاماژه‌ی به‌وه‌شداوه‌:" هه‌ركه‌سێك له‌و رووداوه‌ تاوانبار بێت روبه‌ڕووی دادگا ده‌كرێته‌وه‌و سزای خۆی وه‌ر ده‌گرێت".

چالاكوانان باسیان له‌وه‌شكردوه‌، دروستكردنی ئه‌و خوێندنگایه‌ بۆ 50 ساڵ پێش ئێستا ئه‌گه‌ڕێته‌وه‌.

PUKmedia  ئا: سامان یاروه‌یس