تكریت .. داعش په‌لاماری هێزه‌ ئه‌منیه‌كان ده‌دات

.

ئێواره‌ی دوێنێ گروپی تیرۆرستی داعش له‌ڕێگه‌ی چوار خۆكوژه‌وه‌ له‌ ناحیه‌ی ئیسحاقی باشوری شاری تكریتی سه‌ربه‌پارێزگای سڵاحه‌دین په‌لاماری هێزه‌ ئه‌منیه‌كانی داوه‌.

عه‌قید شومه‌ری جێگری هێزه‌كانی ته‌واری ناحیه‌ی ئیسحاقی رایگه‌یاندوه‌:" داعش له‌ڕێگه‌ی چوار خۆكوژه‌وه‌ په‌لاماری هێزه‌ ئه‌منیه‌كانی له‌ناحیه‌كه‌ داوه‌".

وتیشی:" ده‌ست به‌جێ سێ خۆكوژیان كوژراوه‌و چواره‌میش كه‌ به‌رپرسی ناو داعشه‌وه‌ ده‌ستگیركراوه‌".

رونیشكرده‌وه‌:" ئه‌م خۆكوژانه‌ ماوه‌یه‌كی زۆره‌ له‌چوار چێوه‌ی شانه‌یه‌كی نوستووی داعش كرده‌وه‌ی تیرۆرستی ئه‌نجام ده‌ده‌ن، كه‌ زیاتر له‌ 60 كرده‌وه‌ بووه‌و ژماره‌یه‌كی زۆر له‌هێزه‌كانی ئه‌منی و هاووڵاتیانی مه‌ده‌نی كوژراون".

باسی له‌وه‌شكرد:" هاوكات هێرشه‌ تیرۆرسته‌كه‌ی ماڵی جێگری پارێزگاری سڵاحه‌دینیش له‌لایه‌ن ئه‌مانه‌وه‌ ئه‌نجامدراوه‌، كه‌ سه‌ربه‌ ولایه‌تی باكوری به‌غدان".

PUKmedia  ئا:سامان یاروه‌یس