نۆ ساڵ به‌سه‌ر كۆچی دوایی ئه‌رده‌ڵان به‌كر تێده‌په‌ڕێت

.

ئه‌رده‌لان به‌كر یه‌كێك له‌ هونه‌رمه‌نده‌ ناسراوه‌كانی كورد، دوای خزمه‌تێكی زۆر به‌ هونه‌ری كوردی و میوزیك  9 ساڵ له‌مه‌وبه‌ر له‌ وڵاتی سوید كۆچی دوایی كرد.

ئه‌رده‌ڵان به‌كر له‌ ساڵی 1967 له‌گه‌ره‌كی خانه‌قای شاری هه‌ولێر له‌ دایك بووه‌ و تا قۆناغی ناوه‌ندی خوێندووه‌ و دواتر بوه‌ته‌ پێشمه‌رگه‌ و له‌ كۆتای هه‌شتاكاندا یه‌كه‌م به‌رهه‌می تۆماركردووه‌، له‌دوای كۆڕه‌وه‌ مه‌زنه‌كه‌ی گه‌لی كورد، كورستانی به‌ره‌و وڵاتی سوید به‌جێهێشتووه‌، له‌زۆربه‌ی ئاهه‌نگ و بۆنه‌ نیشتمانییه‌كاندا به‌شداریكردووه‌ .

خاوه‌نی  5 ئه‌لبومه‌و زۆربه‌ی به‌رهه‌مه‌كانیشی تێكست و میلۆدی  خۆی بووه‌ كه‌ پێكهاتوون له‌ (كچیی گاور 1997، به‌ینۆ 1998، هه‌ورامان 2000، زۆر ده‌ترسم 2003، خه‌ونیك بوو 2007) .

ئه‌رده‌لان به‌كر له‌ رۆژی 10-10-2009 دوای ماملانێیه‌كی زۆر له‌گه‌ڵ نه‌خۆشی شێرپه‌نجه‌ له‌ نه‌خۆشخانه‌ی كارۆلینسكای ستۆكهۆڵم كۆچی دوایی كرد.

PUKmedia تایبه‌ت