به‌بڕی 40 هه‌زار دۆلار ده‌رمان پێشكه‌ش به‌ئاواره‌كانی عه‌ربه‌ت ده‌كرێت

.

به‌مه‌به‌ستی ئاگاداربوون له‌ ره‌وشی ته‌ندروستی ئاواره‌كان به‌ڕێوبه‌ری گشتی ته‌ندروستی سلێمانی و كونسوڵ و نوێنه‌ری حكومه‌تی ئیتاڵی له‌شاری هه‌ولێر سه‌ردانی كه‌مپی ئاشتیان له‌ عه‌ربه‌ت كرد.

ئه‌مڕۆ چوارشه‌ممه‌ 9-10-2018 به‌مه‌به‌ستی له‌نزیكه‌وه‌ ئاگاداربوون له‌ ره‌وشی ته‌ندروستی ئاواره‌كانی سنوری پارێزگای سلێمانی، د.سه‌باح نه‌سره‌دین ئه‌حمه‌د به‌ڕێوبه‌ری گشتی ته‌ندروستی سلێمانی به‌ یاوه‌ری عه‌بدوڵڵا ئه‌حمه‌د یاریده‌ده‌ری به‌ڕێوبه‌ری گشتی ته‌ندروستی و كونسوڵ و نوێنه‌ری حكومه‌تی ئیتاڵی له‌شاری هه‌ولێر، كه‌مپی ئاشتی یان له‌ ناحیه‌ی عه‌ربه‌ت به‌سه‌ركرده‌وه‌.

هه‌ر له‌به‌سه‌ركردنه‌وه‌كه‌دا له‌لایه‌ن حكومه‌تی ئیتاڵی-یه‌وه‌ به‌بڕی 40,000 دۆلار ده‌رمان پێشكه‌ش به‌ بنكه‌ی ته‌ندروستی كه‌مپی ئاواره‌كانی ئاشتی كرا.

لای خۆشییه‌وه‌ به‌ڕێوبه‌ری گشتی ته‌ندروستی سلێمانی سوپاس و ده‌ستخۆشی خۆی و به‌ڕێوبه‌رایه‌تی گشتی ته‌ندروستی سلێمانی ئاڕاسته‌ كردن و رایگه‌یاند: ئه‌مه‌ هاوكاری و پاڵپشتییه‌كی باشه‌ بۆ هه‌وڵه‌ به‌رده‌وامه‌كانی ته‌ندروستی سلێمانی بۆ باشتركردنی ئاستی خزمه‌تگوزارییه‌ ته‌ندروستییه‌كان بۆ ئاواره‌كانی سنوره‌كه‌ له‌ناو كه‌مپه‌كاندا.

PUKmedia  راگه‌یاندنی ته‌ندروستی سلێمانی