ئەگەر دەرچێ‌

.

ئەگەر دەرچێ‌

2018-10-08   

× وەڵـڵاهی ئەوە وڵاتان بیبیستن ئەمانكەن بە كیۆا.
ـ بۆ؟ زۆر ئیعتیادییە.
× قوربان چۆن ئیعتیادییە بۆ خاتری خوا؟!!.. ئەوە كفرە كفر.. هەم لە رووی ئیدارییەوە كفرە هەم لە رووی ئابورییەوە. حكومەت چۆن ئەبێ‌ تەماع بكاتە بانقەكان؟!
ـ خۆ هەموو بانقەكانی نەگرتۆتەوە رۆڵە.
× یەعنی بانق هەیە حكومەت پارەكەی نەبردبێ‌؟
ـ بەڵێ‌.. بانقی خوێن.
× رابوێرە بەساقەی خواكەت بم.
ـ رانابوێرم بەس تۆ شتەكەت زل كردووە ئەگینا هیچی تیا نییە.
× چی هیچی تیا نییە؟
ـ جزدانەكەی تۆ.
× وایە.. چیتر ئوستاز؟
ـ سەللاجەی ماڵە مەعاشخۆر.
× بەساقەی ئەو ئەقڵ و كەماڵەت بم بەگم.. چیتر؟
ـ دڵی كوردی ساویلكە.
× دەك بە بابەوەت لەبەرمرم.
ـ بەخوا باش بوو باسی بابت كرد.. بەڕاست كوڕەكەت چۆنە؟
× زۆر باشە.. دەستەكانت ماچ ئەكات.
ـ بەینی خۆمان بێ‌ نەختێ‌ تەممەڵ و سەعی نەكەرە.. لە پۆلی چەندە؟
× ئوستاز گیان لە پۆلی هەشتە.
ـ حەو!!.. رەفیقی ئەو ئێستا ئەندازیار و دكتۆرە، ئەو تازە لە پۆلی هەشتە؟
× بەس خواهەڵناگرێ‌ ئەمساڵ زۆر پیاوانە دەستی داوەتە سەعی كردن.
ـ عەجیب!! چۆنە وا گۆڕاوە؟
× وەعدم داوەتێ‌ قوربان.
ـ وەعدی چی؟
× پێم وت ئەگەر ئەمساڵ دەرچێت وەعد بێ‌ لە مەكتەب دەرتبێنم.