مشكه‌كان هێرشده‌كه‌نه‌ سه‌ر یه‌كێك له‌گه‌وره‌ترین كتێبخانه‌كان

.

مشكه‌كان هێرشده‌كه‌نه‌ سه‌ر كتێبخانه‌ی زانكۆی ئیشتوتگارتی ئه‌ڵمانیا و زیان به‌نزیكه‌ی هه‌شت هه‌زار كتێب ده‌گه‌یه‌نن.

ئاژانسه‌كانی هه‌واڵ له‌ئه‌مریكا، ئاشكرایانكردوه‌:" گومانده‌كرێت له‌ڕێگه‌ی ئاوه‌ڕۆوه‌ هاتبن، مشكه‌كان هێرشده‌كه‌نه‌ سه‌ر كتێبخانه‌ی زانكۆی ئیشتوتگارت و 7800 كتێب هێنده‌ زیانیان پێگه‌یه‌نراوه‌ سودی خوێندنه‌وه‌یان نه‌ماوه‌".

رونیشكراوه‌ته‌وه‌:" مشكه‌كان ئه‌و كتێبانه‌یان جوییه‌و زیانی زۆریان پێگه‌یاندوه‌، كه‌ نرخه‌كه‌ی ده‌گاته‌ 200 هه‌زار یورۆ".

هاوكات به‌رپرسانی زانكۆكه‌ ئه‌وه‌یان ئاشكراكردوه‌:" كتێب و به‌ڵگه‌نامه‌ به‌نرخه‌كان هیچ زیانێكی پێنه‌گه‌یه‌نراوه‌".

PUKmedia  ئاژانسه‌كان