چه‌ند ماسكێكی سروشتی بۆ ده‌ست و په‌نجه‌ی خانمان

.

ده‌ست و په‌نجه‌ی ناسك خه‌ونی هه‌موو خانمێكه‌، له‌به‌ر ئه‌وه‌ی ده‌ست داناپۆشرێت تیشكی خۆر و كه‌ش و هه‌واو به‌رز و نزمی پله‌كانی گه‌رما به‌رده‌وام كاریگه‌ریان له‌سه‌ری ده‌بێت و وشكیده‌كه‌نه‌وه‌، بۆیه‌ پێویسته‌ به‌ به‌كارهێنانی ئه‌م ماسكانه‌ له‌ ووشك بوونه‌وه‌ بیپارێزیت ...

ماسكی كه‌ره‌ و ئاوی گوڵ و زه‌یتی گوێزی هندی

كه‌وچكپكی گه‌وره‌ ئاوی گوڵ

كه‌وچكێكی بچوك كه‌ره‌

كه‌وچكێكی بچووك گوێزی هندی

هه‌موو كه‌ره‌سته‌كان به‌باشی  تێكه‌ڵ به‌یه‌كتر ده‌كه‌یت و بۆ ماوه‌ی نیو سه‌عات ده‌یده‌یت له‌ پێستی ده‌ست.

پێویسته‌ ئه‌م ماسكه‌ هه‌فته‌ی چه‌ند جارێك دووباره‌ بكرێته‌وه‌ بۆ ئه‌وه‌ی كاریگه‌رییه‌كانی به‌باشی ده‌ربكه‌وێت له‌سه‌ر ده‌ست، سووده‌كانی ئه‌م ماسكه‌ یه‌كجار زۆره‌ چونكه‌ ئاوی گوڵ پێستی ده‌ست شێدار ده‌كات و زه‌یتی گوێزی هندیش ته‌ندروستی پێست ده‌پارێزێت و كه‌ره‌ش رێژه‌یه‌كی باش پڕۆتین و ڤیتامین به‌ پێست ده‌به‌خشێت.

ماسكی گلیسرین و شیر و لیمۆ

كه‌وچكێكی گه‌وره‌ گلیسرین

نیو كوپ شیر

گوشراوی نیو لیمۆ

هه‌موو پێكهاته‌كان له‌ ده‌فرێكدا تێكه‌ڵ به‌یه‌كتر ده‌كه‌یت، ده‌یده‌یت له‌ ده‌ستت بۆ ماوه‌ی نیو سه‌عات و دواتر به‌ ئاو ده‌یشۆیت.

ئه‌م ماسكه‌ پێش خه‌وتن به‌كار ده‌هێنرێت چونكه‌ پێست تازه‌ده‌كاته‌وه‌ و پێویسته‌ هه‌فته‌ی چه‌ند جارێك دووباره‌ بكرێته‌وه‌ بۆ ئه‌وه‌ی كاریگه‌ریه‌كانی زوتر ده‌ركه‌وێت.

ماسكی هه‌نگوین و لیمۆ و ڤازلین و زه‌یتی بادام

كه‌وچكێكی بچوك هه‌نگوین

كه‌وچكێكی بچوك لیمۆ

كه‌وچكێكی بچوك ڤازلین

كه‌وچكێكی بچوك زه‌یتی بادام

هه‌موو كه‌ره‌سته‌كان تێكه‌ڵ به‌یه‌كتر ده‌كه‌یت و ده‌یده‌یت له‌ پێستی ده‌ست بۆ ماوه‌ی نیو سه‌عات.

پێویسته‌ ئه‌م ماسكه‌  هه‌موو رۆژێك یان هه‌فته‌ی چه‌ند جارێك دووباره‌ بكرێته‌وه‌ بۆ ئه‌وه‌ی كاریگه‌ری باشی هه‌بێت له‌سه‌ر ده‌ست.

PUKmedia  و/ژینه‌ر محه‌مه‌د

س/سیدتی