هه‌رێم.. دابه‌شكردنی مووچه‌ ده‌ستپێده‌كات

.

بڕیاره‌ سبه‌ینێ ده‌ستبه‌دابه‌شكردنی مووچه‌ی مانگی ته‌مموزی فه‌رمانبه‌رانی حكومه‌تی هه‌رێم بكرێت و یه‌كه‌م وه‌زاره‌تیش كه‌مووچه‌ وه‌رده‌گرێت، وه‌زاره‌تی پێشمه‌رگه‌ ده‌بێت.

به‌پێی زانیارییه‌كانی PUKmedia سبه‌ینێ 7ی تشرینی یه‌كه‌م 2018، مووچه‌ی مانگی ته‌مموزی یه‌كه‌كانی 70 و 80ی وه‌زاره‌تی پێشمه‌رگه‌ دابه‌شده‌كرێت.

هه‌روه‌ها رۆژی دووشه‌ممه‌ مووچه‌ی لیواكانی وه‌زاره‌تی پێشمه‌رگه‌ دابه‌شده‌كرێت و بڕیاره‌ رۆژی سێشه‌ممه‌ش مووچه‌ی وه‌زاره‌تی په‌روه‌رده‌ دابه‌شبكرێت.

وه‌زاره‌تی دارایی له‌ راگه‌یه‌نراوێكدا پێشتر ئاماژه‌ی بۆ ئه‌وه‌كردبوو، كه‌ چی دیكه‌ دابه‌شكردنی مووچه‌ به‌ ره‌سمی له‌ لایه‌ن وه‌زاره‌تی داراییه‌وه‌ راناگه‌یه‌نرێت و هه‌موو 5ی مانگێگ ده‌ستبه‌دابه‌شكردنی مووچه‌ی فه‌رمانبه‌رانی حكومه‌تی هه‌رێم ده‌كرێت.

PUKmedia تایبه‌ت