فراكسیۆنی یەكێتی لەبەغدا: د.بەرهەم تەنها كاندیدی یەكێتییە

.

فراكسیۆنی یەكێتیی نیشتمانیی كوردستان لەپەرلەمانی عیراق رایگەیاند: د.بەرهەم ساڵح تەنها كاندیدی یەكێتییە بۆ پۆستی سەرۆك كۆماری عیراق و داوای لەنوێنەرانی سەرجەم فراكسیۆنە كوردستانی و عیراقییەكان كرد كە متمانەی خۆیان بەكاندیدەكەی یەكێتی ببەخشن.

فراكسیۆنی یەكێتی لەهۆڵی پەرلەمانی عیراق لەكۆنگرەیەكی رۆژنامەوانیدا پەیامی یەكێتی راگەیاند كە داوای لەنوێنەرانی سەرجەم فراكسیۆن و كەسایەتی و سەربەخۆكان كرد كە دەنگ بە د.بەرهەم ساڵح بدەن وەك كاندیدی یەكێتی بۆ پۆستی سەرۆك كۆماری عیراق كە پشكی كوردەو لەناو كوردیشدا مافی یەكێتییە.

بڕیارە سەعات 8:00 ی ئێوارەی ئەمڕۆ ئەنجومەنی نوێنەرانی عیراق كۆبێتەوەو لە دانیشتنەكەشدا سەرۆك كۆمار هەڵببژێردرێت.

PUKmedia تایبەت