به‌چاودێری راسته‌وخۆی مه‌حمودی حاجی ساڵح وه‌زیری كاروباری شه‌هیدان و ئه‌نفالكراوان و له‌رێگای لیژنه‌یه‌كی تایبه‌تی وه‌زاره‌تی كاروباری شه‌هیدان و ئه‌نفالكراوانی كورستان مه‌زارگه‌ی شه‌ش شه‌هیدی یه‌كێتیی نیشتمانیی كوردستان له‌چیای سه‌رسێوی سه‌ر به‌قه‌زای رواندز نوێكرده‌وه‌.

سه‌رپه‌رشتیاری لیژنه‌كه‌ سیروان جه‌لال هاوكات به‌ڕێوه‌به‌ری گۆڕه‌به‌كۆمه‌ڵه‌كان له‌ وه‌زاره‌ت رایگه‌یاند، وه‌زیری كاروباری شه‌هیدان و ئه‌نفالكراوان هه‌ر له‌ سه‌ره‌تای كاركردنمانه‌وه‌ به‌جدی هاوكاری كردوین و پشتیوانی به‌رده‌واممان بووه‌و كارئاسانی زۆری بۆ كردوین.

وتیشی: نۆژه‌نكردنه‌وه‌ی ئه‌و شه‌ش شه‌هیده‌ی یه‌كێتی له‌چیای سه‌رسێوی سه‌ر به‌قه‌زای رواندز له‌سه‌ر ئه‌ركی وه‌زاره‌ت بووه‌و له‌ئێستادا كاری نۆژه‌نكردنه‌وه‌ی ته‌واو بووه‌.

PUKmedia فوئاد عوسمان