عه‌بادی: كاندیدی سه‌رۆك كۆمار پابه‌ندی یه‌كپارچه‌یی عیراق بێت

.

حه‌یده‌ر عه‌بادی سه‌رۆك وه‌زیرانی عیراق رایگه‌یاند، هه‌ر كاندیدێك بۆ سه‌رۆك كۆمار پێویسته‌ پابه‌ندی یه‌كپارچه‌یی عیراق بێت.

عه‌بادی له‌میانه‌ی وتاری رۆژنامه‌وانی هه‌فتانه‌یدا كه‌ ئه‌مڕۆ سێ شه‌ممه‌ پێشكه‌شی كرد وتی: هه‌ر كاندیدێك بۆ سه‌رۆك كۆمار پێویسته‌ پابه‌ندی یه‌كپارچه‌یی عیراق و پاراستنی سه‌روه‌رییه‌كه‌ی بێت.

له‌باره‌ی چاكسازی سیستمی دارایی و دادوه‌ریشه‌وه‌ وتی: عیراق پێویستی به‌ كاراكردنی سیستمه‌كانی به‌دواداچوونی سه‌رمایه‌ و چاكسازی بوێرانه‌ی سیستمی دادوه‌رییه‌، تا گومانی له‌سه‌ر نه‌مێنێت.

سه‌باره‌ت به‌و داواكارییانه‌ش كه‌ بۆ ده‌ستله‌كاركێشانه‌وه‌ی سه‌رۆك وه‌زیران باس ده‌كرێن، عه‌بادی وتی: ئه‌و داواكارییانه‌ سیاسین و پشت به‌ هیچ بنه‌مایه‌كی ده‌ستووری نابه‌ستن، هه‌روه‌ها له‌باره‌ی كێشه‌كانی به‌سره‌وه‌ بوونی هۆكاری سیاسی له‌پشت سوێری ئاوی به‌سره‌ ره‌تكرده‌وه‌.

PUKmedia ئاژانسه‌كان