خولی راگەیاندنی ئەژین قادر كۆتایی هات
ئەدەب وهونەر 05:23 PM - 2018-09-25.
خولی كچە فۆتۆگرافەرە جوانەمەرگەكەی میدیاكانی یەكێتی ئەژین قادر كە ماوەی 5 رۆژی خایاند كۆتایی پێهات و بروانامەی بەشداریكردن بەسەر بەشداربوواندا دابەشكرا.
بەئامادەبوونی شۆرش ئیسماعیل ئەندامی مەكتەبی سیاسی و لێپرسراوی دەزگای هەڵبژاردن و هیوا حەمید سەرۆكی بۆردی رێكخراوە (NGO)كان و كاروان ئەنوەر سەرۆكی لقی سلێمانی سەندیكای رۆژنامەنووسانی كوردستان و بەیان حەسەن لە نووسینگەی قوباد تاڵەبانی و خانەوادەی ئەژین قادر مەراسیمی بەخشینی بروانامە بەسەر بەشداربووانی خولەكەدا بەڕێوەچوو.
سەرەتای مەراسیمەكە بە ساتێك وەستان بۆ گیانی پاكی شەهیدان و ئەژین قادر كچە فۆتۆگرافەری میدیاكانی یەكێتی دەستیپێكرد و ژیاننامەی ئەژین قادر خوێندرایەوەو خەڵاتی رێزلێنانی رێمخراوەكە بەخشرایە بنەماڵەی ئەژین قادر، دواتر شۆرش ئیسماعیل ئەندامی مەكتەبی سیاسی و لێپرسراوی دەزگای هەڵبژاردن رایگەیاند: خۆشحاڵم دەبینم رۆڵەی گەنج لە خولێكی راگەیاندنی لەمجۆرەدا بەشدارن و قوباد تاڵەبانی سەرۆكی لیستی 105 ی یەكێتيی نیشتمانيی كوردستان ئەركی كردنەوەی خولەكەی لە ئەستۆگرتووە.
وتیشی: یەكێتی هەمیشە لە هەوڵی بەرەوپێشبردن و بەدیهێنانی هیوای گەنجەكاندا بووە و هەمیشە ئارامی و هەلی كار و خزمەتی كردووەتە دروشمی راستەقینەی خۆی.
دواتر كاروان ئەنوەر وەك سەرۆكی لقی سلێمانی سەندیكای رۆژنامەنووسانی كوردستان سەبارەت بە بوێری ئەژین قادر وتەیەكی پێشكەشكردو وتی: چاونەترسی و بوێری ئەژین زۆر لەوە زیاتر بوو كە دەبینرا، هەمیشە كاری فۆتۆگرافەری رۆژنامەنووسی لە پێش ژیانی خۆشیەوە دانابوو، تەنانەت لەبەرەكانی جەنگیشدا وەك ژن مامەڵەی نەكردووە و وەك رۆژنامەنوسێك هەوڵی گواستنەوەی رووداوەكانی داوە لە رێگەی وێنەكانیەوە.
كاروان ئەنوەر وتیشی: ئەوەی تا ئێستا جێگەی داخە لە دڵی مندا ئەوەیە مەرگ رێگەی نەدا ئەژین پێناسی رۆژنامەنووسیەكەی لە سەندیكای رۆژنامەنووسان وەربگرێتەوەو ئەوكاتەی پێناسەكەی هاتەوە وەفاتی كردبوو.
وتیشی:دەستخۆشی لە رێكخراوی میدیا دەكەم بۆ ئەوەی لە ساڵیادی كۆچی داویدا خولەكەی لەژێر ناوی كچە بوێرەكەی یەكێتی ئەژین قادردا كردووەتەوە، داواش لەسەرجەم ئەو كچانەدەكەم كە ئێستا لەم خولەدا بەشدارن و ئەوانەشی دواتر بەشدار دەبن كە بوێرانە وەك ئەژین كاربكەن و نەترسن، بوێری ئەژین وایكرد كە ئەمڕۆ لە ژێر سایەی ناوەكەیدا كۆمەڵێك گەنج خولی فێربوونی كاری راگەیاندن دەبینن.
دواتر بروانامەی بەشداریكردن بەسەر سەرجەم بەشداربووانی خولەكەدا دابەشكرا و كۆتایی بەخولەكە هێنرا.
پێشتریش جوتیار قادر كەریم دەستەی بەڕێوەبردنی رێكخراوی میدیا بە PUKmedia ی راگەیاندبوو: لە ساڵیادی كۆچی دوایی كچە رۆژنامەنووس ئەژین قادردا 20-9-2018 رێكخراوەكەمان خولێكی فێربوونی بێژەری و پەیامنێری دەكاتەوە كە ماوەی پێنج رۆژ دەخایەنێت و بەشێوەیەكی زانستی و ئەكادیمی لە لایەن مامۆستایانی بە ئەزموون و پسپۆڕ وانەكان دەوترێنەوە .
راشیگەیاندبو، هۆكاری ئەوەی لەساڵیادی كۆچی ناوادەی ئەژین قادردا ئەم خولە دەكەینەوە ئەوەیە، لەساڵی 2014 ئەژین لە خولێكدا لە رێكخراوی میدیا دەستی بە كاری فۆتۆگرافەری كرد و كاری فۆتۆگرافەری بۆ هەریەك لە رۆژنامەی كوردستانی نوێ و سایتی PUKmedia دەكرد كاتێك كۆچی دوایی كرد، وەك وەفایەكیش بۆ ئەو خانمە بڕیارماندا لە ساڵیادی كۆچی دوایدا خولێكی دیكە بكەینەوە.
خولەكە لە روژی 20-9-2018 دەستپێكرد و تا 25-9-2018 بەردەوام بوو، ئەمرۆش لە مەرسیمێكدا بروانامەی بەشداریكردن بەسەر بەشداربوواندا دابەشكرا.
PUKmedia تاژاو محەمەد
هەواڵی زیاتر
-
نوسینگەی مەکتەبی سیاسی لەبەغدا کرایەوە
08:08 PM - 2024-04-24 -
شاڵاو کۆسرەت رەسوڵ: یەکێتی ئامادەیە بۆ هەڵبژاردن
07:39 PM - 2024-04-24 -
ئاسایشی ههولێر گهنجێك دهكوژێت و بنهماڵهكهی داوای روونكردنهوه دهكهن
06:05 PM - 2024-04-24 -
سەرۆكکۆمار: کردنەوەی بارەگای مەکتەبی سیاسی یەکێتی لە بەغدا گرنگە
04:46 PM - 2024-04-24
ئەمانەش ببینە
کوردستان 05:13 PM - 2024-04-24 لە هەولێر و بەغدا زۆرترین پێشێلکاری بەرامبەر رۆژنامەنووسان ئەنجامدراوە
پەیامی یەکێتی دەگەیەنرێتە بەرەی تورکمانی
05:01 PM - 2024-04-24
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
12:30 PM - 2024-04-24
وەفدێکی حکومیی عیراق بەشداری ساڵیادی بۆردومانی قەڵادزێ دەکات
10:14 AM - 2024-04-24
خەڵاتی زێڕینی بلە بە 10 کەسایەتی نمونەیی بەخشرا
04:30 PM - 2024-04-23
زۆرترین خوێنراو
-
پەیامی یەکێتی دەگەیەنرێتە بەرەی تورکمانی
کوردستان 05:01 PM - 2024-04-24 -
سەرۆكکۆمار: کردنەوەی بارەگای مەکتەبی سیاسی یەکێتی لە بەغدا گرنگە
عیراق 04:46 PM - 2024-04-24 -
شاڵاو کۆسرەت رەسوڵ پێشوازی لە تیمی یەکێتی لە وەزارەتی تەندروستی دەکات
ی ن ک 02:22 PM - 2024-04-24 -
قوباد تاڵەبانی: هەر رۆژەی بیرخەرەوەی تاوانێکە
کوردستان 01:47 PM - 2024-04-24 -
سەرۆک بافڵ: یەکێتی لەقەرەبووکردنەوە و خزمەتی خەڵکی قەڵادزێ بەردەوامە
کوردستان 01:12 PM - 2024-04-24 -
سەعدی ئەحمەد پیرە: بۆردومانی قەڵادزێ ببێتە هەوێنی یەکڕیزی
کوردستان 12:39 PM - 2024-04-24 -
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
کوردستان 12:30 PM - 2024-04-24 -
وەفدێکی حکومیی عیراق بەشداری ساڵیادی بۆردومانی قەڵادزێ دەکات
کوردستان 10:14 AM - 2024-04-24