حه‌دیسی: ره‌شنوسی بودجه‌ی 2019 له‌كۆتاییدایه‌

.

وته‌بێژی نوسینگه‌ی سه‌رۆك وه‌زیرانی عیراق دووپاتی ده‌كاته‌وه‌ ده‌قی ره‌شنووسی بودجه‌ی 2019 له‌كۆتاییه‌كانیدایه‌ و له‌كۆتایی ئه‌مساڵ یان سه‌ره‌تایی ساڵی داهاتوو په‌رله‌مان  له‌سه‌ری كۆده‌بێته‌وه‌.

سه‌عد حه‌دیسی وته‌بێژی نوسینگه‌ی سه‌رۆك وه‌زیرانی عیراق رایگه‌یاندوه‌:" ده‌قی ره‌شنووسی 2019 له‌كۆتاییه‌كانیدایه‌، و كۆتایی ئه‌مساڵ یان سه‌ره‌تایی ساڵی داهاتوو ره‌وانه‌ی ئه‌نجومه‌نی نوێنه‌ران ده‌كرێت بۆ تاوتوێكردن".

رونیشكردوه‌ته‌وه‌:" له‌بودجه‌دا ته‌واوی سێكته‌ره‌كان له‌به‌رچاوگیراون، به‌پێی بڕی داهاتی ناو بودجه‌، هه‌ر له‌وه‌زاره‌ته‌كانی په‌روه‌رده‌و ته‌ندروستی و نه‌وت و شاره‌وانیه‌كان و چه‌ندین جۆری تری بودجه‌، به‌تایبه‌ت بودجه‌ی خزمه‌تگوزاری پارێزگاكان له‌ناویانیشدا پارێزگای به‌سڕه‌".

ئاماژه‌ی به‌وه‌شداوه‌:" له‌ پڕۆژه‌ یاسایی بودجه‌ی 2019 دا 10 هه‌زار پله‌ی وه‌زیفی بۆ دامه‌زراندن ده‌بێت".

PUKmedia ئاژانسه‌كان