له‌ گه‌رمیان و سلێمانی گه‌وره‌ترین كه‌رنه‌ڤاڵی لیستی 105 به‌ڕێوه‌ده‌چێت

.

له‌ئامێزی كه‌سوكاری شه‌هیدان و ئه‌نفالكراوانی گه‌رمیان بانگه‌شه‌ی فراوان بۆ لیستی 105 به‌ڕێوه‌ده‌چێت و له‌ سلێمانیش گه‌وره‌ترین كه‌رنه‌ڤاڵی بانگه‌شه‌ی لیسته‌كه‌ی یه‌كێتی به‌رێوه‌ده‌چێت.

سه‌میر هه‌ورامی وته‌بێژی كه‌میپنی قوباد تاڵه‌بانی سه‌رۆكی لیستی 105ی یه‌كێتی نیشتیمانی كوردستان بۆ هه‌ڵبژاردنی په‌رله‌مانی كوردستان تایبه‌ت به‌ PUKmedia ی ڕایگه‌یاند: رۆژی سێ شه‌ممه‌ 25-9 له‌گه‌رمیان بانگه‌شه‌ی فراوانی لیستی 105ی یه‌كێتی نیشتمانی كوردستان به‌ئاماده‌بوونی قوباد تاڵه‌بانی و كاندیده‌كانی له‌ناو  كه‌سوكاری سه‌ربه‌رزی شه‌هیدان و ئه‌نفالكراوان و جه‌ماوه‌ری سنوره‌كه‌ به‌ڕێوه‌ده‌چێت و پشتیوانی و پشتگیری بۆ لیستی 105ی و كاندیده‌كانی دووپات ده‌كرێته‌وه‌.

سه‌میر هه‌ورامی ووتیشی : رۆژی 27 مانگ له‌شاری سلێمانی دوا  ڕۆژی هه‌ڵمه‌تی بانگه‌شه‌ی هه‌ڵبژاردن به‌ ئاماده‌بوونی قوباد تاڵه‌بانی سه‌رۆكی لیست و كاندیه‌كانی له‌ ناو ئاپۆڕای كه‌سوكاری سه‌ربه‌رزی شه‌هیدان و پێشمه‌رگه‌ قاره‌كانه‌كان و ئه‌ندام و لایه‌نگرانی سه‌ربه‌رز و جه‌ماوه‌ره‌ دڵسۆزه‌كه‌ی یه‌كێتی گه‌وره‌ترین كۆبوونه‌وه‌ی پشتیوانی بۆ لیستی 105 به‌رێوه‌ده‌چێت.

PUKmedia