ئه‌مریكا به‌چه‌كی دوور هاوێژ داعش بۆردومان ده‌كات

.

دوای كوژرانی سێ سه‌ربازی ئه‌مریكا، له‌سنوری پارێزگای ئه‌نبار، تۆپخانه‌كانی هێزی ئه‌مریكا بیابانی نێوان سوریا- عیراق بۆردومان ده‌كات.

ئاژانسه‌كانی هه‌واڵ، بڵاویانكردوه‌ته‌وه‌:" هێزه‌كانی ئه‌مریكا له‌عیراق به‌چه‌كی دوور هاوێژ 14 هێرشیان بۆ سه‌ر داعش له‌بیابانی نێوان سوریا – عیراق ئه‌نجامداوه‌". 

رونیشكراوه‌ته‌وه‌:" شانه‌یه‌كی نوستووی داعش له‌ناوچه‌ی دۆڵی حه‌ڵقوم له‌نزیك دۆڵی حۆران كراونه‌ته‌ ئامانج و 25 تیرۆرست كوژراون".

ئاماژه‌ به‌وه‌شكراوه‌:" هێرشه‌كانی ئه‌مریكا له‌كاتێكدایه‌ كه‌ له‌چوار شه‌ممه‌ی رابردوو سێ سه‌ربازی ئه‌مریكا كوژراون".

PUKmedia ئاژانسه‌كان