به‌وێنه‌ .. شه‌ڕڤانان پیلانێك پوچه‌ڵ ده‌كه‌نه‌وه‌

.

شه‌ڕڤانانی یه‌په‌گه‌ له‌باشوری خۆرئاوای كۆبانێ ژماره‌یه‌ك تیرۆرست ده‌ستگیرده‌كه‌ن، كه‌ ویستویانه‌ هێرشبكه‌نه‌ سه‌رناوچه‌كانی كۆبانێ.

شیمار حیمۆ چالاكوانی سیاسی له‌رۆژئاوای كوردستان، به‌ PUKmedia ی راگه‌یاند: له‌گوندی قوبه‌ی سه‌ربه‌ شارۆچكه‌ی شێخله‌ر له‌باشوری خۆرئاوای كۆبانێ له‌رۆژئاوای كوردستان، شه‌ڕڤانان ده‌یان تیرۆرستیان ده‌ستگیركردوه‌.

وتیشی: ئه‌و تیرۆرستانه‌ی داعش و گروپه‌ توندڕه‌وه‌كان ژماره‌یه‌كی زۆر چه‌ك و ته‌قه‌مه‌نیان پێبووه‌و ویستوویانه‌ هێرشبكه‌نه‌ سه‌ر ناوچه‌كانی ژێرده‌سه‌ڵاتی شه‌ڕڤانان.

رونیشكرده‌وه‌: ده‌ست به‌جێ ده‌ستگیركراون و ده‌ست به‌سه‌ر چه‌ك و ته‌قه‌مه‌نیه‌كانیاندا گیراوه‌.

PUKmedia  سامان یاروه‌یس