چه‌ند رێنماییه‌ك له‌ به‌ڕێوه‌به‌رایه‌تی ئاوی سلێمانیه‌وه‌

.

به‌ڕێوه‌به‌رایه‌تی ئاوی سلێمانی له‌ ڕێگه‌ی هه‌ڵواسینی وێنه‌وه‌ هانی هاووڵاتیانی شاری سلێمانی ده‌دات كه‌ ئاوی خورادنه‌وه‌ به‌فیڕۆنه‌ده‌ن.

له‌وباره‌یه‌وه‌ ئامانج جه‌لال لێپرسراوی راگه‌یاندنی به‌رێوه‌به‌رایه‌تی ئاوی سلێمانی به‌ PUKmedia ی  راگه‌یاند: ماوه‌ی چه‌ند رۆژێكه‌ له‌ڕێگه‌ی دانان و هه‌ڵواسینی وێنه‌ و ئاگادار كردنه‌وه‌وه‌ داوا له‌هاووڵاتیانی شاری سلێمانی ده‌كه‌ین كه‌ ئاو به‌فیڕۆ نه‌ده‌ن و له‌كاتی گه‌شت و چونه‌ده‌وره‌وه‌كانیان به‌پاشماوه‌و خواردنه‌كانیان سه‌رچاوه‌ ئاوییه‌كان پیس نه‌كه‌ن.

وتیشی: ساڵانی رابردوو له‌میانه‌ی هه‌ڵمه‌ت و ئاگاداركردنه‌وه‌كانماندا هه‌ڵساین به‌دابه‌شكردنی تیشێرت و قه‌ڵه‌م و ده‌فته‌ر به‌مه‌به‌ستی وشیاركردنه‌وه‌ی زیاتری هاووڵاتیان.

لێپرسراوی راگه‌یاندنی به‌ڕێوه‌به‌رایه‌تی ئاوی سلێمانی ئاماژه‌ی به‌وه‌شدا: ئاگاداركردنه‌وه‌كانمان خۆشبه‌ختانه‌ كاریگه‌ری له‌سه‌ر هاووڵاتیان هه‌بوه‌و دانیشتوانیش به‌ده‌م داواكاریه‌كانمانه‌وه‌ دێن.

PUKmedia  ژینه‌ر محه‌مه‌د