كۆبانێ بۆ خه‌ڵكی عه‌فرین رژانه‌ سه‌ر شه‌قامه‌كان

.

به‌یانی ئه‌مڕۆ هاوڵاتیانی كۆبانێ بۆ پشتیوانی خه‌ڵكی عه‌فرین و دژ به‌سته‌مكاریه‌كانی سوپای توركیاو گروپه‌ چه‌كداره‌كان رژانه‌ سه‌ر شه‌قامه‌كان.

شیمار حیمۆ چالاكوانی سیاسی به‌ PUKmedia ی راگه‌یاند: به‌سه‌دان هاووڵاتی خه‌ڵكی كۆبانێ و ده‌وروپه‌ری به‌یانی ئه‌مڕۆ  له‌مه‌یدانی ئازادی رژانه‌ سه‌ر شه‌قامه‌كان.

وتیشی: له‌دوای داگیركردنی عه‌فرینه‌وه‌، سوپای توركیاو گروپه‌ چه‌كداره‌كان كه‌وتنه‌ته‌ گیانی هاووڵاتیان و به‌سه‌دان چالاكوان و هاووڵاتی بێ تاوانیان رفاندوه‌و  شه‌هیدكردوه‌.

رونیشكرده‌وه‌: ژیانی هاووڵاتیان له‌و په‌ڕی كێشه‌دایه‌و هه‌روه‌ها ده‌ستكراوه‌ به‌گۆڕینی دیمۆگرافیای ئه‌و شاره‌و به‌سه‌دان ئاواره‌ی ناوچه‌كانی تری سوریا هێنراونه‌ته‌ عه‌فرین.

جه‌ختیكرده‌وه‌: وابڕیاره‌ شاره‌كانی تری رۆژئاوای كوردستانیش ده‌ست به‌خۆپیشاندان بكه‌ن.

PUKmedia سامان یاروه‌یس