وەفدێكی باڵای ئەمریكا لەگەڵ لێپرسراوانی یەكێتی كۆدەبێتەوە

.

وەفدێكی باڵای ئەمریكا بە سەرۆكایەتی برێت ماكگۆرك نێردراوی تایبەتی سەرۆكی ئەمریكا لە هاوپەیمانی نێودەوڵەتی دژی تیرۆر و ئەندامێتی دۆگڵاس سڵێمان باڵیۆزی ئەمریكا لە عیراق و ستیڤن فەیگن كونسوڵی ئەمریكا لەگەڵ لێپرسراوانی یەكێتیی نیشتمانی كوردستان كۆبووەوە.

كۆبوونەوەكانی وەفدەكە لەگەڵ بەرپرسانی یەكێتی بەمەبەستی گفتووگۆكردن لەسەر پێكهێنانی حكومەتی نوێی عیراق و بەڕێوەچوونی پرۆسەی هەڵبژاردنی پەرلەمانی كوردستان بوو.

لە كۆنگرەیەكی رۆژنامەنوسیشدا ماكگۆرك رایگەیاند: شانازییە بۆ ئێمە كە لەگەڵ یەكێتیی نیشتمانیی كوردستان لەسەر چەند پرسێكی گرنگ كۆبوینەتەوە چونكە ئێمە یادەوەری مێژویمان لەگەڵ مام جەلال و سەركردایەتی یەكێتیدا هەیە.

  PUKmedia  ئا/تاژاو محەمەد