هێرۆ ئیبراهیم ئەحمەد: ئەنجومەنی سەركردایەتی كاندیدی سەرۆك كۆمار دەستنیشان دەكات
کوردستان 05:01 PM - 2018-09-18.
پێش نیوەڕۆی ئەمڕۆ ۱۷/۹/۲٠۱۸ لە دەباشان هێرۆ ئیبراهیم ئەحمەد و بافڵ تاڵەبانی چاویان كەوت بە برێت ماكگۆرك نێردەی تایبەتی سەرۆكی ئەمریكا بۆ هاوپەیمانێتی نێودەوڵەتی دژی داعش لە دیدارێكدا كە دۆگلاس سیلیمان باڵیۆزی ئەمریكا لە عێراق و ستیڤ ڤەیگن كونسوڵی ئەمریكا لە هەرێمی كوردستان ئامادەیبوون هەردوولا گفتوگۆیان كرد لە بارەی پێشهاتە سیاسیەكانی هەرێم و عێراق و ناوچەكە و گفتوگۆی لایەنە سیاسیەكانی هەرێم و عێراق بۆ پێكهێنانی حكومەتی نوێی عێراق.
لەبارەی تێڕوانین و بڕیاری سیاسی و مێژوویی و نەتەوەیی یەكێتی بۆ هەرێم و عێراق هێرۆ ئیبراهیم ئەحمەد و بافڵ تاڵەبانی راشكاوانە دوان و رایگەیاند یەكێتی باوڕیی بە یەكڕیزی نیشتیمانی هەیەو لەو سۆنگەیەوە دەیەوێت كورد وەك یەك تیم لە ناوەند كاربكات و یەك بۆچوون هەبێت بۆ پرسەكان
سەبارەت بە پرسی سەرۆك كۆماری عێراق ئەوەیان تەكیدكردەوە ئەو پۆستە پشكی كوردەو لە ناو كوردیش بۆ یەكێتیە لەو روەوە هێرۆ ئیبراهیم ئەحمەد وتی: ڤیتۆم لەسەر هیچ كاندیدێكی یەكێتی نیە بۆ پۆستی سەرۆك كۆماری عیراق و پشتگیری هیچ كاندیدێكیش ناكەم، ئەنجومەنی سەركردایەتی كاندیدی یەكێتی بۆ ئەو پۆستە دەستنیشان دەكات.
بۆ هەرێمیش ئەگەر چی لە كێبڕكێداین و لە بانگەشەی هەڵبژاردنین بەڵام هەر دەمانەوێت ئاشتەوایی سیاسی تێك نەچێت و یەكڕیزی بپارێزین دوور لە تەخوینكردن و زمانی زبر بانگەشەی خۆمان بكەین و نەبینە هۆی تێكدانی ژینگەی كۆمەڵایەتی و لێكترازانی زیاتر
ئەوەی بۆ یەكێتیش گرنگە، ئەم بارودۆخە سیاسییە ناجێگیرە لە بەرژەوەندی كورد تێپەڕێنین و مافە دەستورییە زەوتكراوەكانمان بەدەست بهێنینەوە.
لە بەشێكی دیكەی دیدارەكە بیروبۆچونەكان ئاڵوگۆركرا لەبارەی پتەوكردنی پەیوەندیەكانی هەردوولاو زیاتركردنی هەماهەنگییەكان.
لە بەرامبەردا برێت ماكگۆرك رایگەیاند ئەمریكا عیراق جێناهێڵێت و پشتگیری لە كوردیش دەكەین بۆ بەدەستهێنانی مافەكانی و گفتوگۆكانی پێكهێنانی حكومەتی نوێی عێراقیش بە باشی بەڕێوەدەچێت و پشتگیری سەرۆكی نوێی پەرلەمانی عێراقیش دەكەین.
وتیشی: لەگەڵ ئەوەداین یەكێتی یەك كاندیدی هەبێت بۆ پۆستی سەرۆك كۆمار كە پێویستە ئەو كاندیدە ئەزموونی لەگەڵ بەغدا و لایەنە عیراقیەكان هەبێت و زمان بزانێت و پەیوەندی بەفراوانی لەگەڵ وڵاتان هەبێت.
برێت ماكگۆرك ئەوەشی ئاشكراكرد پشتگیری لەو پرۆژانە دەكەن كە یەكێتی ناو یەكێتی دەپارێزێت و ئەوان یەكێتییەكی یەگرتوو بەهێزیان دەوێت لەگەڵ سلێمانیەكی ئارامدا .
PUKmedia كوردۆ عەلی
هەواڵی زیاتر
-
هاوخەمییەکان بۆکۆچیدوای فەرماندەی دێرین حەسەن ئەحمەد
11:14 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
02:02 PM - 2024-04-19 -
د. بڕیار رەشید: تەوتینی مووچە لەهەرێم بە ئاسانی دەکرێت
08:31 PM - 2024-04-18 -
كونسوڵی روسیا: یهكێتی هێزێكی كاریگهره
04:42 PM - 2024-04-18
ئەمانەش ببینە
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
05:56 PM - 2024-04-19
پەرلەمانتارە غائیبەکان 160 ملیۆن دینار سزادران
10:43 AM - 2024-04-19
داهاتی هەفتەی رابردووی سلێمانی زیاتر لە 7 ملیار دینارە
09:09 AM - 2024-04-19
ئەنجومەنی سەرکردایەتی: پاراستن و بەهێزکردنی هەرێم تەنها بەهەڵبژاردن دەبێت
05:05 PM - 2024-04-18
زۆرترین خوێنراو
-
هاوخەمییەکان بۆکۆچیدوای فەرماندەی دێرین حەسەن ئەحمەد
پرسەنامە 11:14 PM - 2024-04-19 -
قوباد تاڵەبانی: ئارامی سلێمانی هێڵی سوورە
کوردستان 08:59 PM - 2024-04-19 -
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
کوردستان 05:56 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
کوردستان 02:02 PM - 2024-04-19 -
پێشمەرگەی دێرین سەردار محەمەد بەسەردەکرێتەوە
ی ن ک 01:01 PM - 2024-04-19 -
پەرلەمانتارە غائیبەکان 160 ملیۆن دینار سزادران
عیراق 10:43 AM - 2024-04-19 -
داهاتی هەفتەی رابردووی سلێمانی زیاتر لە 7 ملیار دینارە
کوردستان 09:09 AM - 2024-04-19