په‌یامێك ئاڕاسته‌ی لایه‌نه‌ سیاسیه‌كان ده‌كرێت

.

شاره‌وانی سلێمانی له‌رێگه‌ی PUKmedia وه‌ په‌یامێك ئاڕاسته‌ی لایه‌نه‌ سیاسیه‌كان ده‌كات و داوایان لێده‌كات به‌ستونه‌كانی كاره‌باوه‌ هیچ جۆره‌ ریكلامێكی بانگه‌شه‌ هه‌ڵنه‌واسن كه‌لێكردنه‌وه‌ی زه‌حمه‌تبێت.

له‌وباره‌یه‌وه‌ زه‌رده‌شت عوسمان لێپرسراوی راگه‌یاندنی شاره‌وانی سلێمانی به‌ PUKmedia راگه‌یاند: له‌رێنمایه‌كانی پارێزگاری سلێمانی تایبه‌ت به‌ هه‌ڵبژاردنه‌كان كه‌له‌ 28ی ئابی 2018 ده‌رچووه‌، به‌هه‌موو شێوه‌یه‌ك شریت و دروشم و مادده‌ی لكێنه‌ر به‌ستونه‌كانی كاره‌باوه‌ رێگه‌پێنه‌دراوه‌و ته‌نها وێنه‌ی كاندیده‌كان رێگه‌پێدراوه‌، ئه‌ویش به‌و مه‌رجه‌ی لێكردنه‌وه‌ی ئاسان بێت.

وتیشی: دانانی وێنه‌ی كاندیده‌كان و هه‌موو جۆره‌ ریكلامێكی بانگه‌شه‌ له‌ پاركه‌ گشتیه‌كان دووباره‌ رێگه‌پێنه‌دراوه‌.

لێپرسراوی راگه‌یاندنی شاره‌وانی سلێمانی ئاماژه‌ی به‌وه‌شدا وه‌كو سه‌رۆكایه‌تی شاره‌وانی سلێمانی لیژنه‌مان پێكهێناوه‌ بۆ تۆماركردنی سه‌رپێچی قه‌واره‌ سیاسیه‌كان و لێكردنه‌وه‌ی ریكلامه‌كانیان ئه‌گه‌ر پێچه‌وانه‌ی رێنماییه‌كانمان بێت و سه‌رجه‌م قه‌واره‌ سیاسیه‌كان دوای هه‌ڵبژاردنه‌كان مانگێكیان له‌به‌رده‌مدایه‌ بۆ لێكردنه‌وه‌ی ریكلامه‌كانیان.

داواشی له‌لایه‌نه‌ سیاسیه‌كان كرد پابه‌ندی رێنماییه‌كانی كۆمسیۆنی باڵای سه‌ربه‌خۆی هه‌ڵبژاردن و راپرسی هه‌رێمبن له‌ پێناو به‌رێكردنی بانگه‌شه‌یه‌كی ئارام كه‌ نه‌بێته‌ هۆی تێكچونی باری ده‌رونی هاووڵاتیان.

PUKmedia ژینه‌ر محه‌مه‌د