وه‌زاره‌تی په‌روه‌رده‌ ده‌وامی ره‌سمی خوێندنی راگه‌یاند

.

به‌پێی راگه‌یه‌نراوێكی وه‌زاره‌تی په‌روه‌رده‌ رۆژی 22-9 ده‌وامی ره‌سمی له‌خوێندنگه‌كان ده‌ستپێده‌كات.

وه‌زاره‌تی په‌روه‌رده‌ ئاگاداری سه‌رجه‌م خوێندكاران ده‌كاته‌وه‌ كه‌ ده‌ستپێكی ساڵی خوێندنی 2018 ـ 2019 له‌ سه‌رتاسه‌ری هه‌رێمی كوردستان و خوێندنی كوردی له‌ شاری كه‌ركوك، رۆژی شه‌ممه‌ ڕێكه‌وتی 22-9-2018ی زایینی ده‌بێت.

هه‌روه‌ها جه‌ختیشده‌كاته‌وه‌ له‌سه‌ر فه‌رمانی ده‌رچوانی "كۆلێژی په‌روه‌رده‌ی كراوه‌"، توانرا ره‌زامه‌ندی هه‌ژماركردنی ده‌رچووانی ئه‌م كۆلێژه‌  به‌ ده‌ستبهێنرێت و ددان به‌ بڕوانامه‌كانیان بنرێت و له‌ رووی زانستییه‌وه‌ باوه‌ڕپێكراوه‌.

به‌ پێی بڕگه‌ی 3 كه‌ له‌ ده‌سه‌ڵاتی وه‌زاره‌تی په‌روه‌رده‌یه‌ له‌ هاوتاكردنی بڕوانامه‌كان هاوشێوه‌ی پیشه‌یی، پێویسته‌ به‌ڕێوه‌به‌ری گشتیی په‌روه‌رده‌ی پارێزگاكان و به‌ڕێوه‌به‌رایه‌تی خوێندنی كوردی له‌ كه‌ركوك، ده‌رچوانی ئه‌م كۆلێژه‌ ئاگادار بكاته‌وه‌ كه‌ ئه‌م به‌ڵگانه‌ پێشكه‌ش بكه‌ن له‌گه‌ڵ داواكانیان:

1. داواكاری ره‌سمی
2. وێنه‌یه‌ك له‌ بڕوانامه‌ی كۆلێژی ئاماژه‌پێكراو
3. پشتگیری به‌رده‌وامبوون له‌ خزمه‌تی كاری مامۆستایی
4. پووخته‌ی ڕاژه‌كه‌ به‌ وردی پڕ بكرێته‌وه‌

PUKmedia راگه‌یاندنی وه‌زاره‌تی په‌روه‌رده‌