كۆسرەت رەسوڵ:لەسەرمانە كار بۆ سەرخستنی لیستی 105 بكەین

.

سەرلەبەیانی ئەمڕۆ دووشەممە 17/9/2018 لەشاری هەولێر، كۆسرەت رەسوڵ عەلی جێگری سكرتێری گشتی یەكێتیی نیشتمانیی كوردستان پێشوازیكرد لە هەڵۆ حەسەن كادیری پێشكەوتووی یەكێتی و پێشمەرگەی دانەبڕاو و جێگری لێپرسراوی مەڵبەندی 6ی سۆران و بەدیعە موسا رێكخستنی دێرین و كارگێڕی مەڵبەندی 6ی سۆران و ژمارەیەك لە كادیرانی سنورەكە.

لەدیدارەكەدا كە بەبۆنەی گەڕانەوەی هەڤاڵان بۆ ناو ریزەكانی یەكێتی رێكخرابوو، كۆسرەت رەسوڵ جەختی لەوەكردەوە كە یەكێتی وەك هەمیشە ماڵە گەورەكەی تێكۆشەران و قارەمانانییەتی و لەمكاتەشدا گەڕانەوەی ئەم پۆلە هەڤاڵە بۆ ریزەكانی یەكێتی كاریگەرییەكی دیاری دەبێ بەتایبەت لەسنووری مەڵبەندی سۆران.

لەدرێژەی قسەكانیدا جێگری سكرتێری گشتی رایگەیاند: ئەركە لەسەر هەموومان كاربكەین بۆ سەرخستنی لیستی 105ی یەكێتیی نیشتمانیی كوردستان و بە بەهێزییەوە بتوانین خزمەتی كۆمەڵانی خەڵكی كوردستان بكەین.

لای خۆیانەوە هەڵۆ حەسەن و هەڤاڵانی تری سنورەكە رایانگەیاند كە بەهەموو شێوەیەك هەوڵی سەرخستنی لیستی 105ی یەكێتیی نیشتمانیی كوردستان دەدەن.

PUKmedia راگەیاندنی جێگری سكرتێری گشتی