هەولێر.. گەنجان تیم بۆ سەرخستنی لیستی 105ی یەكێتی دروستدەكەن

.

ئەمڕۆ 17ی ئەیلولی 2018، شاڵاو كۆسرەت رەسوڵ لەگەڵ سەدان گەنج و دەیان تیمی گەنجانی شاری هەولێر كۆبۆوە. 

ئەو ئاپۆڕەیەی گەنجان، كە بەمەبەستی پاڵپشتییان بۆ لێپرسراوی مەڵبەندو مەڵبەندی سێ هەولێر، كە هەمووان راسپێردرابوون بۆ پشتیوانی و سەرخستنی لیستی 105 یەكێتیی نیشتیمانیی كوردستان، هەموو ئەو گروپانە كەوا لەگەنجان رێكخرابوون، ئامادەی خۆیان پیشاندا، كە لەناو پرۆسەی بانگەشەكانی هەڵبژاردن و دوای ئەنجامدانی هەلبژاردن بۆ هەمیشە پشتیوانی مەڵبەندی سێی هەولێرو شاڵاو كۆسرەت بن. 

لەو دانیشتنەدا، لێپرسراوی مەڵبەند، وەك چۆن هەمیشە پشتیوانی گەنجان بووە، دووپاتیكردوە، كە لەئێستاوە زیاتر پشتیوان و هاندەری گەنجان دەبێت و زەمینەسازی دەكات بۆ هاتنە پێشەوەی گەنجان لەهەموو بوارێكداو خۆشحاڵی خۆی بۆ ئەو  هەڵوێست و پەرۆشییەو ئاپۆڕەی گەنجان  دەربڕی، كە چۆن هەموویان بەشدارو پشتیوانن لەسەركەوتنەكانی لێپرسراوی مەڵبەندو یەكێتیی نیشتمانیی كوردستان لەشاری هەولێر.

PUKmedia راگەیاندنی مەڵبەندی هەولێر