نوێنه‌ری سیستانی: ئه‌ركم له‌به‌سڕه‌ كۆتایی هات

.

نوێنه‌ری سیستانی كه‌ به‌تایبه‌ت له‌لایه‌ن خۆیه‌وه‌ ره‌وانه‌ی به‌سڕه‌ كرابوو، ته‌واوبوونی ئه‌ركه‌كه‌ی له‌و ناوچه‌یه‌ راگه‌یاند.

ئه‌حمه‌د سافی نوێنه‌ری  مه‌رجه‌عیه‌تی باڵای شیعه‌كان له‌عیراق رایگه‌یاندوه‌:" ئه‌ركمان له‌سنوری پارێزگای به‌سڕه‌ بۆ چاره‌سه‌ركردنی ئاوی خواردنه‌وه‌ كۆتایی هات".

وتووشیه‌تی:" له‌به‌رامبه‌ر جێبه‌جێنه‌كردنی داواكاریه‌كانتان حكومه‌ت شه‌رمه‌زار بكه‌ن". 

رونیشكردوه‌ته‌وه‌:" 15 پاڵاوگه‌ی گه‌وره‌ له‌ئێستادا كار بۆ گه‌یاندنی ئاوی خواردنه‌وه‌ بۆ ته‌واوی پارێزگای به‌سڕه‌ ده‌كه‌ن و له‌رێگه‌ی كامێرای چاودێریه‌وه‌ به‌به‌رده‌وامی ئاگاداریان ده‌بین".

ئاماژه‌ی به‌وه‌شداوه‌:" ئه‌مه‌ ناگاته‌ ئه‌وه‌ی كه‌ بڵێین ته‌واوی كێشه‌كان چاره‌سه‌ركراون بۆ هه‌میشه‌، به‌ڵكو هه‌ندێ كێشه‌هه‌ن پێویستیان به‌ماوه‌ی درێژخایه‌نه‌، واته‌ نزیكه‌ی 15 ساڵ".

PUKmedia ئاژانسه‌كان