حه‌شدی شه‌عبی: له‌یه‌مه‌ن شه‌ڕناكه‌ین

.

دوای بڵاوبوونه‌وه‌ی هه‌واڵی بوونی نوسینگه‌ی ناونوسینی حه‌شدی شه‌عبی به‌شێوه‌ی نهێنی له‌پارێزگای دیاله‌، سه‌ركرده‌یه‌كی حه‌شد ئه‌و هه‌واڵه‌ ره‌تده‌كاته‌وه‌.

جه‌بار مه‌عموری،سه‌ركرده‌ له‌حه‌شدی شه‌عبی رایگه‌یاندوه‌:" ته‌واوی ئه‌و هه‌واڵانه‌ی له‌و باره‌یه‌وه‌ كه‌ كه‌سایه‌تی مزاحم حه‌وێت وته‌بێژی عه‌شایه‌ری عه‌ره‌بی له‌موسڵ بڵاویكردوه‌ته‌وه‌ دوورن له‌راستیه‌وه‌".

رونیشكردوه‌ته‌وه‌:" ته‌واوی وته‌كانی بۆ دروستكردنی پرسیاره‌ له‌سه‌ر رۆڵی حه‌شدی شه‌عبی، ئه‌گینا هه‌مووان مێژووی حه‌وێت ده‌زانن كه‌ هیچ كات ناتوانێت راستیه‌كان بخاته‌ڕوو".

باسی له‌وه‌شكردوه‌:" هیچ نوسینگه‌یه‌كی ناونوسین بۆ ره‌وانه‌كردنی چه‌كدار بۆ یه‌مه‌ن له‌ئارادا نیه‌ و حه‌شدی شه‌عبی دامه‌زراوه‌یه‌كی نیشتمانیه‌و له‌چوارچێوه‌ی فه‌رمانه‌كانی فه‌رمانده‌ی هێزه‌ چه‌كداره‌كانی عیراق ده‌جوڵێته‌وه‌".

PUKmedia ئاژانسه‌كان