ته‌میمی: به‌كڕین و فرۆشتن سه‌رۆكی په‌رله‌مان هه‌ڵبژێردرا

.

ئه‌ندام په‌رله‌مانێكی هاوپه‌یمانی سائروون دووپاتی ده‌كاته‌وه‌ به‌شێوه‌ی كڕین و فرۆشتن سه‌رۆكی په‌رله‌مانی عیراق هه‌ڵبژێردراوه‌.

ماجده‌ ته‌میمی، ئه‌ندامی په‌رله‌مان له‌هاوپه‌یمانی سائروون، رایگه‌یاندوه‌:" له‌كاتی هه‌ڵبژاردنی سه‌رۆكی په‌رله‌مانی عیراق كڕین و فرۆشتن به‌ده‌نگه‌كانه‌وه‌ كراوه‌".

رونیشكردوه‌ته‌وه‌:" ئه‌حمه‌د جبوری پارێزگاری سڵاحه‌دین سه‌په‌رشتی ئه‌وكاره‌ی كردوه‌و به‌ئاشكرا ده‌نگی په‌رله‌مانتاره‌كانیان كڕیوه‌".

باسی له‌وه‌شكردوه‌:" ئه‌و جۆره‌ كاره‌ سوكایه‌تیكردنه‌ به‌خوێنی گه‌نجانی شه‌هید ده‌كرێت كه‌له‌پێناو عیراق خوێنی خۆیان رشتووه‌".

باسی له‌وه‌شكردوه‌:" ژماره‌یه‌ك په‌رله‌مانتار ته‌نانه‌ت سوكایه‌تیان كردوه‌و به‌لایانه‌وه‌ ئاسایبووه‌ كڕین و فرۆشتن".

PUKmedia ئاژانسه‌كان