شاڵاو كۆسره‌ت رسوڵ: به‌ به‌هێزتر ده‌چینه‌ په‌رله‌مان

.

شاڵاو كۆسره‌ت رسوڵ به‌ئاماده‌بوونی هه‌ریه‌ك له‌‌ بورهانی سه‌عید سۆفی و عوسمان بانیمارانی له‌ كۆبوونه‌وه‌یه‌كدا له‌گه‌ڵ كادرانی مه‌ڵبه‌ندی 14 كۆیه‌ تاوتوێی سه‌رخستنی لستی 105یه‌كێتیی نیشتمانیی كوردستان و كاندیدانی كرد.

شاڵاو كۆسره‌ت ڕه‌سوڵ عه‌لی ئه‌ندامی سه‌ركردایه‌تی و لێپرسراوی مه‌ڵبه‌ندی سێی هه‌ولێری (ی.ن.ك) سه‌ردانی مه‌ڵبه‌ندی 14 ڕێكخستنی كۆیه‌ی كرد له‌لایه‌ن هـه‌ر یه‌ك له‌ هه‌ڤاڵان (بورهان سه‌عید سۆفی) ل.مه‌ڵبه‌ندی ڕێكخستنی كۆیه‌ و عوسمان بانیمارانی پێشوازی لێكرا.

له‌ كۆبوونه‌وه‌یه‌كدا له‌گه‌ڵ ژماره‌یه‌ك كادێری پێشكه‌وتوی یه‌كێتیی نیشتمانیی كوردستان كۆبوه‌وه‌ و باس له‌ئاماده‌كاریه‌كانی سنوره‌كه‌كرا بۆ هه‌ڵبژاردنی په‌رله‌مانی كوردستان و سه‌ر خستنی لیستی ( 105 ی یه‌كێتیی نیشتمانیی كوردستان و كاندیدانی لیسته‌كه‌ به‌بێ جیاوازی.

هه‌ر له‌ كۆبوونه‌وه‌كه‌دا باسیان له‌ زه‌روره‌تی ئه‌م هه‌ڵبژاردنه‌ كردو شاڵاو كۆسره‌ت رسوڵ وتی: پێویسته‌ هه‌موومان به‌ رۆحیه‌تێكی برایانه‌ كار بكه‌ین تا ئه‌مجاره‌ به‌ تیمێكی به‌ھێز تر بچینه‌ په‌له‌مانی كوردستان و حكومه‌ت تاكو ده‌نگمان دلێر تر بێت بۆ داكۆكی كردن له‌ مافه‌كانی كۆمه‌ڵانی خه‌ڵكی كوردستان.

PUKmedia تایبه‌ت