هۆڵندا فڕۆكه‌كانی له‌شه‌ڕی داعش ده‌كشێنێته‌وه‌

.

حكومه‌تی هۆڵندا جه‌ختده‌كاته‌وه‌، له‌كۆتاییه‌كانی ئه‌مساڵدا فڕۆكه‌جه‌نگیه‌كانی له‌جۆری ئێف 16 له‌شه‌ڕی دژ به‌داعش له‌سوریاو عیراق ده‌كشێنێته‌وه‌.

له‌به‌یاننامه‌یه‌كدا حكومه‌تی هۆڵندا، ئاشكرایكردوه‌:" فڕۆكه‌ جه‌نگیه‌كانی هۆڵه‌ندا كه‌له‌ساڵی 2014 ه‌وه‌ به‌شدارن له‌شه‌ڕی دژ به‌تیرۆرستانی داعش له‌خاكی سوریاو عیراق له‌ كۆتاییه‌كانی ئه‌مساڵدا ده‌كشێنێته‌وه‌".

رونیشكراوه‌ته‌وه‌:" ژماره‌ی ئه‌و فڕۆكه‌ جه‌نگیانه‌ چوار فڕۆكه‌ی ئێف 16ن و له‌بۆردومانی تیرۆرستان له‌ناو خاكی عیراق و سوریا به‌كارهێنراون".

له‌به‌شێكی تری به‌یاننامه‌كه‌دا ئه‌وه‌ هاتووه‌:" هۆڵه‌ندا به‌رده‌وام ده‌بێت له‌ پێشكه‌شكردنی توانای سه‌ربازی له‌عیراق و سوریا، له‌ڕێگه‌ی به‌هێزكردنی توانا ئه‌منیه‌كان و هه‌وڵدان بۆ ئارامكردنه‌وه‌ی دۆخه‌كه‌و گه‌ڕانه‌وه‌ی هاووڵاتیان بۆ ماڵه‌كانی خۆیان بۆ ئه‌وه‌ی  بتوانن به‌ئارامی بژین".

PUKmedia ئاژانسه‌كان