پەرلەمانی عیراق جارێكی دیكە كۆدەبێتەوە

.

پەرلەمانی عیراق جارێكی دیكە كۆدەبێتەوە تائێستاش دیارنیە لایەكان لەسەرهەڵبژاردنی دەستەی سەرۆكایەتی گەیشتنە رێككەوتن.

د.میران محەمەد ئەندامی ئەنجومەنی نوێنەرانی عیراق لەسەر فراكسیۆنی یەكێتیی نیشتمانیی كوردستان بە PUKmediaی راگەیاند: ئەمڕۆ 15ی ئەیلولی 2018، كۆبوونەوەی ئەنجومەنی نوێنەرانی عیراق ئەنجامدەدرێت و تائێستاش بەهۆی نەگەیشتنە رێكەوتنی لایەنە سیاسییەكانی عیراق، ئەگەری ئەوە هەیە كۆبوونەوەكە هەر بەكراوەیی بمێنێتەوە.

وتیشی: تائێستا زانیارییەكی ئەوتۆ نییەكە لایەنە سیاسییەكان گەیشتبێتنە رێكەوتنی تەواوەتی تا زەمانەتی ئەوە هەبێت كە لە كۆبوونەوەی ئەمڕۆی پەرلەماندا هەڵبژاردنی دەستەی سەرۆكایەتی ئەنجومەنی نوێنەران ئەنجامبدرێت.

ئەو پەرلەمانتارەی فراكسۆنی یەكێتی ئەوەشی وت: ناتوانین بڵێین ئەمڕۆ دەستەی سەرۆكایەتی هەڵدەبژێردرێت یان كۆبوونەوەكە وەك جاری پێشوو بەكراوەیی دەمێنێتەوە، بۆیە ئەبێت چاوەڕوانی دەستپێكردنی كۆبوونەوەكەو ئەنجامی هەوڵی لایەنەكان بكەین كە لەكۆبوونەوەكەدا دەردەكەوێت.

PUKmedia تایبەت