پنتاگۆن: ھێزه‌كانمان له‌ ئه‌نچه‌رلیك ناكشێنینه‌وه‌

.

وه‌زاره‌تی به‌رگریی ئه‌مریكا ره‌تیكرده‌وه‌ ھێزه‌كانیان له‌ بنكه‌ی ئه‌نچه‌رلیكی توركیا بكشێننه‌وه‌، راشیده‌گه‌یه‌نێت: توركیا ھاوپه‌یمانێكی جێگیره‌.

ئێریك باھون، وته‌بێژی وه‌زاره‌تی به‌رگری ئه‌مریكا (پنتاگۆن) رایگه‌یاند: ویلایه‌ته‌ یه‌كگرتووه‌كانی ئه‌مریكا به‌ ھه‌ماھه‌نگیی له‌گه‌ڵ توركیای ھاوپه‌یمانی، له‌ به‌كارھێنانی بنكه‌ی ئه‌نچه‌رلیك به‌رده‌وام ده‌بێت.

راشیگه‌یاندووه‌: توركیا به‌ نسبه‌ت ئه‌مریكاوه‌ ھاوبه‌شێكی جێگیره‌ له‌ ھاوپه‌یمانیی نێوده‌وڵه‌تی دژی تیرۆرستانی داعش و ھه‌ردوو وڵاتیش ھاوپه‌یمانن له‌ په‌یماننامه‌ی باكوری ئه‌تڵه‌سی (ناتۆ)دا.

ئه‌مه‌ش دوای ئه‌وه‌ دێت، چه‌ند ده‌نگۆیه‌ك له‌ میدیاكانه‌وه‌ بڵاوكرابوونه‌وه‌، كه‌ باسیان له‌وه‌ ده‌كرد، واشنتۆن دوای سه‌رھه‌ڵدانی ناكۆكییه‌كانی له‌گه‌ڵ ئه‌نكه‌ره‌، به‌نیازه‌ ھێزه‌كانی له‌ بنكه‌ی ئه‌نچه‌رلیكی توركیا بگوازێته‌وه‌ بۆ بنكه‌یه‌كی یۆنان.

PUKmedia ئاژانسه‌كان