سزاكانی سه‌ر بانكی ناوه‌ندیی عیراق ھه‌ڵپه‌سێردران

.

یه‌كێتی ئه‌وروپا به‌ره‌سمی ناوی بانكی ناوه‌ندیی عیراقی له‌ لیستی سزاكان لابرد.

بانكی ناوه‌ندیی عیراق له‌ راگه‌یه‌ندراوێكدا بڵاویكردوه‌ته‌وه‌: یه‌كێتی ئه‌وروپا به‌ره‌سمی ناوی عیراقی له‌ لیستی ئه‌و سزایانه‌ ده‌رھێناوه‌ كه‌ یه‌كێتییه‌كه‌ به‌سه‌ر ژماره‌یه‌ك ده‌زگادا سه‌پاندویه‌تی.

ئاماژه‌ به‌وه‌شكراوه‌، ئه‌و سزایانه‌ له‌ سه‌رده‌می رژێمی پێشوودا به‌سه‌ر كۆمه‌ڵێك ده‌زگای دارایی عیراقدا سه‌یپێندراون و له‌ نێویشیاندا بانكی ناوه‌ندی ھه‌بووه‌.

ھه‌نگاوی لابردنی سزاكانیش به‌ھۆی ئه‌و پێشكه‌وتنه‌وه‌یه‌ كه‌ له‌ ماوه‌ی رابردوودا بانكه‌كه‌ به‌خۆیه‌وه‌ بینیوه‌و له‌ دوای لابردنی سزاكانیش، رێگه‌ به‌ بانكه‌ جیھانییه‌كان و ئه‌وروپییه‌كان ده‌درێت مامه‌ڵه‌ی زیاتر له‌گه‌ڵ بانكی ناوه‌ندیی عیراقدا بكه‌ن.

PUKmedia ئاژانسه‌كان