ژماره‌یه‌ك په‌رله‌مانتاری به‌ره‌گه‌ز كورد بۆ په‌رله‌مانی سوید سه‌رده‌كه‌ون

.

رۆژی 9-9-2018 هه‌ڵبژاردنی په‌رله‌مانیی و شاره‌وانی له‌ وڵاتی سوید به‌ڕێوه‌چوو و به‌پێی  زانیارییه‌كانیش تائێستا 5 كاندیدی به‌ ره‌گه‌ز كورد سه‌ركه‌وتوون بۆ خولی نوێی په‌رله‌مانی ئه‌و وڵاته‌.

له‌و باره‌یه‌وه‌ جه‌بار ئه‌مین ئه‌ندامی په‌رله‌مانی سوید كه‌ كورده‌، له‌ په‌ڕه‌ی تایبه‌تی خۆی له‌ تۆڕی كۆمه‌ڵایه‌تی فه‌یسبوك نوسیویه‌تی، به‌پێی ئه‌و ئه‌نجامانه‌ی ده‌ركه‌وتوون، تائێستا پێنج  كاندید كه‌ به‌گه‌ز كوردن بۆ خولی نوێی په‌رله‌مانی سوید ده‌رچوون و ده‌نگی پێویستیان به‌ده‌ستهێناوه‌.

ئاماژه‌ی بۆ ئه‌وه‌شكردوه‌، كاندیده‌ ده‌رچووه‌كان كه‌ كوردن بریتین له‌( لاوێن رێدار، گوڵان ئافجی،رۆزاكوجلو، سه‌ركان كۆسێ،قادر كاسركه‌) بڕیاریشه‌ جیاكردنه‌وه‌ی ده‌نگه‌كان تا دوو رۆژی دیكه‌ به‌رده‌وامبێت و ئه‌گه‌ر هه‌یه‌ چه‌ند كاندیدێكی دیكه‌ی كورد سه‌ربكه‌ون.

PUKmedia له‌ فه‌یسبوكی (جه‌بار ئه‌مین ) وه‌رگیراوه‌