riklam

تكایه‌ نه‌خۆشخانه‌ی هیواو نه‌خۆشه‌كانی بۆ بانگه‌شه‌ی هه‌ڵبژاردن به‌كار مه‌هێنن

بیروڕا 02:27 PM - 2018-09-11
.

.

عه‌بدوڵڵا حاجی سه‌عید

ماوه‌یه‌كه‌ له‌یه‌كێ له‌ كه‌ناڵه‌كانی ڕاگه‌یاندنه‌وه‌ كه‌ سه‌ر به‌لایه‌نێكی دیاری كراوه‌ به‌مه‌به‌ستی بانگه‌شه‌ی هه‌ڵبژاردن كه‌وتونه‌ته‌ هاتوهاوار گوایه‌ له‌ نه‌خۆشخانه‌ی هیوا ده‌رمانء پێداویستیه‌كانی چاره‌سه‌ری نه‌خۆشی (شێرپه‌نجه‌) نه‌ماوه‌ء پزیشكء نه‌خۆشه‌كان ده‌سته‌وه‌ستان بوون كه‌وتونه‌ته‌ كه‌مپین دروستكردن بۆ كۆكردنه‌وه‌ی كۆمه‌ك ئه‌مه‌ خۆی له‌خۆیدا دوره‌ له‌ ڕاستیه‌وه‌ لایه‌نكێكی دیاری كراو ئه‌م كاره‌ بێ بنه‌مایه‌ بۆ بانگه‌شه‌ی هه‌ڵبژاردن به‌كار ئه‌هێنێ ئه‌مه‌ش كارێكی نادروستء ناڕه‌وایه‌ له‌سه‌ر شاشه‌ی ته‌له‌فزوێون نه‌خۆشه‌كان نمایش ئه‌كه‌ن هه‌ستی خه‌ڵك ڕائه‌كێشن به‌بێ ئه‌وه‌ی هیچ بنه‌مایه‌كی ڕاستی هه‌بێت.

نه‌خۆشخانه‌ی هیوا به‌رده‌وامه‌ له‌چاره‌سه‌ری نه‌خۆشه‌كان هه‌موو جۆره‌ ده‌رمانێكء پێداویستیه‌ك له‌ نه‌خۆشخانه‌كه‌ به‌رده‌وامه‌ء ڕۆژانه‌ به‌شێوه‌یه‌كی ئاسایی نه‌خۆشه‌كان چاره‌سه‌ر وه‌ر ئه‌گرن به‌بێ كه‌موكوڕی (سندوقی كۆمه‌ك) له‌ وه‌زاره‌تی ته‌ندروستی حكومه‌تی هه‌رێم به‌رده‌وامه‌ له‌ یارمه‌تی دانی نه‌خۆشخانه‌كه‌ بۆ كڕینی هه‌موو جۆره‌ ده‌رمانێكی جۆراوجۆری نه‌خۆشی (شێرپه‌نجه‌) ئه‌وه‌ی شایه‌نی باسه‌ (ی.ن.ك) به‌ڕێژه‌یه‌كی به‌رچاو یارمه‌تیء كۆمه‌كی دارای بۆ سندوقی كۆمه‌كی (شێرپه‌نجه‌) دابین ئه‌كات.

به‌نده‌ بۆ خۆم ماوه‌ی (5) ساڵه‌ نه‌خۆشی نه‌خۆشخانه‌ی هیوامء چاره‌سه‌ر وه‌ر ئه‌گرم ڕۆژی (5/9/2018) سه‌ره‌م بوو بۆ وه‌رگرتنی چاره‌سه‌ر به‌بێ كێشه‌ ده‌رمانه‌كانم وه‌رگرتووه‌ سه‌دان نه‌خۆش له‌وێ بوون هه‌مووی چاره‌سه‌ری پێویستی وه‌رگرتوه‌ (دكتۆره‌ هاژه‌) پسپۆڕی نه‌خۆشیه‌كانی ژێرپه‌نجه‌ سه‌رپه‌رشتیم ده‌كات.

بارودۆخی نه‌خۆشخانه‌ی هیوا له‌ڕوی ده‌وامی پزیشكیء به‌رده‌وامی چاره‌سه‌ری نه‌خۆشه‌كان به‌شێوه‌یه‌كی ئاسایی بێ كه‌موكوڕی به‌ڕێوه‌ ئه‌چێت، ئه‌و لایه‌نه‌ی ئه‌یه‌وێت نه‌خۆشء نه‌خۆشخانه‌ی هیوا به‌شێوه‌یه‌كی ناڕاستء نادروست به‌كار ئه‌هێنن بۆ بانگه‌شه‌ی هه‌ڵبژاردن ئه‌و لایه‌نه‌ باباش بزانێ هه‌ر له‌ ئێستاوه‌ به‌رنامه‌كه‌ی له‌سه‌ر بنه‌مای ناڕاستء نادروست داڕێژێ په‌تی درۆ كورته‌ء ڕاستی هه‌ر ده‌رئه‌كه‌وێت نوشستی ئه‌هێنن.

یاریده‌ده‌ری سكرتێری گشتی
بازرگانی و كاسبكاران


PUKmedia تایبه‌ت

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket