riklam

چۆن بزانی كه‌سێك درۆت له‌گه‌ڵ ده‌كات

هەمەرەنگ 01:35 PM - 2018-09-09
.

.

ڕۆژانه‌ كه‌سانێكی زۆر له‌گه‌ڵمان درۆ ده‌كه‌ن و كڵاومان له‌سه‌ر ده‌نێین، به‌بێ ئه‌وه‌ی ئێمه‌ هه‌ست به‌وه‌ بكه‌ین كه‌چ شتێك ده‌قه‌ومێت. بۆیه‌ له‌وباره‌یه‌وه‌ توێژه‌ران چه‌ند نیشانه‌یه‌كیان دیاریكردووه‌ بۆ ئه‌وه‌ی درۆزه‌كان بناسینه‌وه‌. ئه‌و نیشانانه‌ش له‌م خاڵانه‌ی خواره‌وه‌دا خۆیان ده‌بینه‌وه‌.

1- جووڵه‌ نا ئاسایی چاو به‌شێوه‌یه‌كی به‌رده‌وام. درۆزكان بۆ ئه‌وه‌ی درۆكانیان بكه‌ن سه‌یری چاوی به‌رامبه‌ره‌كان ده‌كه‌ن بۆ ئه‌وه‌ی دڵنیایان بكاته‌وه‌ ئه‌مه‌ له‌كاتێكدایه‌ پێشتر یاسایه‌ك هه‌بوو كه‌ باسی له‌وه‌ ده‌كرد كه‌ درۆزه‌كان له‌كاتی درۆكردندا سه‌یری چاوی به‌رامبه‌ره‌كه‌یان ناكه‌ن بۆ ئه‌وه‌ی درۆكه‌یان ئاشكرا نه‌بێت.

2- زمانی جه‌سته‌ گونجاو نییه‌ سه‌باره‌ت به‌ زمانی جه‌سته‌، درۆزنه‌كان له‌م حاڵه‌ته‌دا زۆر ده‌ست بۆ لوت و گوێیان ده‌به‌ن و په‌نجه‌كانی ده‌ستیان زیاتر ده‌گوشتن و حاڵه‌تی جه‌سته‌ییان ئاسایی نییه‌ و نیشانه‌ و ئاماژه‌كان به‌خێرایی ده‌گۆڕن.

3 - گوزارشی ڕوخسار  له‌م حاڵه‌تدا ده‌بێت هۆشیار بیت چونكه‌ درۆزنه‌كان به‌نیازن كه‌ كۆنتڕۆڵی ڕوخساریان بكه‌ن ، به‌ڵام هه‌ندێكجار ناتوانن به‌سه‌ر ڕوخساریان زاڵ بن و ده‌ستبه‌جێ توڕه‌ ده‌بن ، یان به‌ شێوه‌یه‌كی درۆینه‌ خۆیان به‌ كه‌سێكی دڵخۆش و شاد ده‌رده‌خه‌ن.

4-  ڕوونكردنه‌وه‌ی ناپێویست، له‌م حاڵه‌ته‌دا كه‌سی درۆزن له‌ سه‌ره‌تادا زۆر بابه‌ته‌كه‌ درێژ ده‌كاته‌وه‌، به‌ڵام كه‌ ده‌گاته‌ ناوه‌ڕۆك و لوبی بابه‌ته‌كه‌، به‌ ته‌واوی هه‌ست ده‌كه‌یت كه‌ كورتی ده‌كاته‌وه‌ و ڕون كردنه‌وه‌ت ناداتێ، یان له‌ ناكاو كۆتایی به‌ بابه‌ته‌كه‌ دێنێت.

5-  سوێند و پێداگری: پێده‌چێت ئه‌م نیشانه‌یه‌ زۆر به‌ ڕوونی هه‌ستی پیبَكه‌ین، كه‌سی درۆزن چه‌ند گوزارشتێك به‌كاردێنێت وه‌ك ( به‌و په‌ڕی ڕاستگۆییه‌وه‌، ڕاشكاوانه‌، بۆ ئه‌وه‌ی ڕاستیه‌كه‌ بڵێم، جۆره‌كانی سوێند خواردن)، بۆیه‌ گه‌ر ئه‌م وشانه‌ت بیست، ئه‌وا بزانه‌ كه‌سی به‌رامبه‌رت كێشه‌یه‌كی له‌گه‌ڵ ڕاستگۆیدا هه‌یه‌.
6- دواخستن قسه‌و باسه‌كان:كه‌سی درۆزن، هه‌ست به‌ فشار ده‌كات له‌سه‌ر خۆی، به‌تایبه‌ت ئه‌و كاته‌ی كه‌ پرسیارێكی لێده‌كه‌یت و پێویستی به‌ وه‌ڵامی خێرا هه‌یه‌، بۆیه‌ ئه‌م كه‌سه‌ له‌و كاته‌دا وه‌ڵامه‌كه‌ ناداته‌وه‌ و دوای ده‌خات و ده‌یه‌وێت به‌شێوه‌یه‌ك وه‌ڵام بداته‌وه‌، كه‌ هیچی لێته‌نه‌گه‌یت و باسه‌ سه‌ره‌كیه‌كه‌ت لێتێكبچێت.

7-  جوانكردنی ڕووداوه‌كان به‌شێوه‌یه‌كی زه‌نجیره‌ ئاسا: ئه‌م نیشانه‌یه‌ پێویستی به‌ وریایی زیاتر هه‌یه‌، كاتێك كه‌سیچك چیرۆكێكت بۆ ده‌گه‌ڕێته‌وه‌، به‌ئاسایی وه‌ك خۆی ده‌یگێڕێته‌وه‌ به‌بێ ئه‌وه‌ی خۆی تێكبدات و وه‌ك خۆشی باسی ده‌كات، به‌ڵام كه‌سی درۆزن فشار له‌ خۆی ده‌كات و ده‌یه‌وێت ڕووداوه‌ نا گرنگه‌كان جوان بكات، هه‌روه‌ها ناتوانێت ته‌نها باسی كۆتایی یان كرۆكی بابه‌ته‌كه‌ بكات، بۆیه‌ لێكۆڵه‌ره‌وان زۆرجار پرسیار له‌ كۆتایی تۆمه‌تباره‌كان یان به‌شێكی چیرۆكه‌كه‌ ده‌كه‌ن، ئه‌ویش گه‌ر ڕاست نه‌كات، ناتوانێت بابه‌ته‌كه‌ بگێرێته‌وه‌ و دژ به‌ یه‌كی تێدا نه‌بێت.

8-  كه‌سی درۆزن به‌ شێوه‌یه‌كی گشتی ده‌یه‌وێت  ئه‌و  وشانه‌ جوان بكات، كه‌ دووره‌ له‌ ڕاستیه‌وه‌ یان خۆی لێگێل ده‌كات، بۆیه‌ ده‌بێت  به‌ وریایه‌وه‌ سه‌یری وشه‌كان بكه‌ین، بۆ نموونه‌ تۆ به‌ كه‌سێكی گۆمانلێكراو ده‌ڵێیت: ( تۆ جزدانی پاره‌كه‌مت دزیوه‌؟) له‌ وه‌ڵامدا ده‌ڵێت 😞 نه‌خێر من جزادانی تۆم نه‌بردووه‌).

9- ئاسان كردنی كاره‌كان و جیهێشتنی: كه‌سانی درۆزن به‌ شێوه‌یه‌كی گشتی ڕوكه‌شیانه‌ له‌ بابه‌ته‌ سه‌ره‌كیه‌كان ده‌دوێن ، واته‌ بابه‌ته‌ گرنگه‌كه‌ جێده‌هێڵن و ده‌چنه‌ لای بابه‌ته‌ ناگرنگه‌كان، بۆ ئه‌وه‌یله‌ بابه‌ته‌كه‌ ڕابكه‌ن چه‌ند ڕسته‌یه‌ك به‌كارده‌هێنن، وه‌ك:(ئه‌وه‌ی كه‌ له‌بیرمه‌، له‌ بنه‌ڕه‌تدا،ئه‌گه‌ر هه‌ڵه‌ نه‌بم،ئه‌گه‌ر بیرم نه‌چوبێته‌وه‌) ئه‌م  وشانه‌ به‌كارده‌هێنێت و چونكه‌ ئاسانن و ڕاستیه‌كه‌ش ناڵێت.

PUKmedia  و/ گۆران قادر

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket