سعودیه‌ له‌ هه‌وڵی جێگیركردنی نرخی نه‌وتدایه‌‌

.

رێكخراوی ئۆپیك ئاشكرایده‌كات، سعودیه‌ هه‌وڵی ئه‌وه‌ده‌دات نرخی به‌رمیلێك نه‌وت له‌ نێوان 70 بۆ 80 دۆلاردا جێگیر بكات.

ئاژانسی رۆیته‌رز ئه‌مڕۆ 5-9-50-2018، له‌ سه‌رچاوه‌یه‌كی باوڕپێكراوی رێكخراوی ئۆپیك بڵاویكردوه‌ته‌وه‌، سعودیه‌ له‌ هه‌وڵی ئه‌وه‌دایه‌ نرخی نه‌وت له‌ بازاڕه‌كانی جێگیربكات.

 راشیگه‌یاندوه‌، سعودیه‌ ئامانجی ئه‌وه‌یه‌ نرخی به‌رمیلێك نه‌وتی خاو له‌ بازاڕه‌كانی جیهان له‌ نێوان 70 بۆ 80 دۆلار جێگیربكات و پارێزگاری به‌و نرخه‌وه‌ بكات.

 له‌مساڵدا به‌هۆی كشانه‌وه‌ی ئه‌مریكا له‌ رێكه‌وتنی ئه‌تۆمی له‌گه‌ڵ ئێران و قورسكردنی گه‌مارۆكانی ئه‌مریكا له‌سه‌ر ئێران و توركیا، نرخی نه‌وت له‌ بازاڕه‌كانی جیهان به‌ڕێژه‌یه‌كی به‌رچاو به‌رزبووه‌وه‌.

PUKmedia رۆیته‌رز