پرۆژه‌ ته‌واونه‌كراوه‌كانی سلێمانی ته‌واوده‌كرێن

.

ئه‌و پرۆژانه‌ی كه‌ له‌ساڵی 2010 تا 2013 به‌هۆی قه‌یرانی داراییه‌وه‌ كاركردن تێیاندا وه‌ستانبوو ده‌كه‌ونه‌وه‌ كار.

له‌و باره‌یه‌وه‌ رێكه‌وت زه‌كی ئه‌ندامی ئه‌نجومه‌نی پارێزگای سلێمانی به‌ PUKmedia ی راگه‌یاند: جێگای خۆشحاڵییه‌ كه‌ 62 پرۆژه‌ به‌بڕی زیاتر له‌ 41 ملیار دینار له‌ سنووری پارێزگای سلێمانی ده‌كه‌ونه‌وه‌ كار.

وتیشی: ئه‌و پرۆژانه‌ی ده‌ستبه‌كاركردن ده‌كرێته‌وه‌ تێیاندا خۆیان له‌ بواره‌كانی ئـاو و كاره‌با و ئـاوه‌ڕۆ و ڕێگاوبان و خوێندنگاكان ده‌بینێته‌وه‌، كه‌له‌ ساڵه‌كانی 2010 بۆ 2013 كاركردن تێیاندا به‌ھۆی قه‌یرانی داراییه‌وه‌ راگیرابوون.

له‌وباره‌یه‌شه‌وه‌ جێگری پارێزگار بۆ كاروباری ھونه‌ری له‌گه‌ڵ لیژنه‌یه‌كی تایبه‌تمه‌ند به‌و بواره‌ له‌ئه‌نجومه‌نی پارێزگای سلێمانی كۆبوه‌وه‌.

PUKmedia تایبه‌ت