چۆن وا بوو بە حەمەقەدۆ؟

.

چۆن وا بوو بە حەمەقەدۆ؟

ـ چۆن وا بوو بە حەمەقەدۆ؟
× یەكەمجار بە ئاودیوكردنی شۆڤڵەكانی بێخمە دەستی پێكرد.
*****
ـ چۆن وا بوو بە حەمەقەدۆ؟
× یەعنی نازانی مەسئولێكی گوندەی لە پشتە؟
*****
ـ چۆن وا بوو بە حەمەقەدۆ؟
× ئەڵێن پارەیەكی زۆری (عودەی)ی لابووە.
*****
ـ چۆن وا بوو بە حەمەقەدۆ؟
× لە مناڵییەوە هەر كاسب بووە.
*****
ـ چۆن وا بوو بە حەمەقەدۆ؟
× كاكی خۆم، باپیرە گەورەشی هەر بازرگانی شەڕ بووە.
*****
ـ چۆن وا بوو بە حەمەقەدۆ؟
× بیرت نایە لە راپەڕیندا چی كێبڵ دەرهێنا لەژێر عەرز؟
*****
ـ چۆن وا بوو بە حەمەقەدۆ؟
× خوا هەڤاڵ هین بگرێ‌ هەموو تەسهیلاتێكی بۆ كرد.
*****
ـ چۆن وا بوو بە حەمەقەدۆ؟
× ئەی گوایە پیاو بۆچی كوردایەتی ئەكا؟!!