شیر پێكهاته‌یه‌كی بنه‌ڕه‌تیه‌ بۆ جوانكردنی ره‌نگی پێست

.

یه‌كێك له‌و ماددانه‌ی كه‌ رۆڵێكی گرنگی هه‌یه‌ له‌شۆخوشه‌نگی خانمان و پارێزگاری كردن له‌پێستیان  شیره‌، كه‌ هه‌ر له‌سه‌رده‌می فیرعه‌ونه‌كانه‌وه‌ له‌لایه‌ن پاشاكانی میسره‌وه‌ به‌كار هاتووه‌،تا ئێستاش به‌وه‌ ناسراوه‌ كه‌سودێكی سه‌رسورِهێنه‌رو خێرای هه‌یه‌ بۆ پێست.

شیر هه‌ریه‌كه‌ له‌ ڤیتامینه‌كانی دی ،ڤیتامین ب2،و ڤیتامین ب12و زۆرێك له‌و كانزایانه‌ی كه‌پێویستن بۆ پێست، وه‌ك كالسیۆم كه‌ رێگره‌ له‌پیربوون و فۆسفۆرِ و پۆتاسیۆم و سیلینیۆم، هه‌روه‌ها ده‌وڵه‌مه‌نده‌ به‌پرِۆتینات و خۆراكه‌ پێویستیه‌كانی پێست، له‌لایه‌كی تریشه‌وه‌ رۆڵی بنه‌رِه‌تی هه‌یه‌ له‌كرانه‌وه‌ی ره‌نگی پێست به‌شێوه‌یوكی سروشتی.
ئه‌م گیراوه‌یه‌ یارمه‌تی كرانه‌وه‌ی ره‌نگی پێست ده‌دات به‌شێوه‌یه‌كی سروشتی و رێكوپێك

ماسكی شیر وبه‌هارات (زه‌رده‌چه‌و)
‎-نیو كوپ شیر
‎-كه‌وچكێكی بچوك به‌هارات
‎-كه‌وچكێكی بچوك شۆڤان
‎-كه‌وچكێكی بچوك هه‌نگوینی سپی
‎-كه‌سوچكێكی بچوك زه‌یتی زه‌یتون

‎هه‌مو پێكهاته‌كان تێكه‌ڵاو به‌یه‌كتر ده‌كرێت ،پاشان گیراوه‌كه‌ له‌سه‌ر رِوخسار یان هه‌ر به‌شێكی له‌ش داده‌نرێت كه‌پێویستی به‌رِون بونه‌وه‌ و كرانه‌وه‌ هه‌بێت.

وازیلێده‌هێنین بۆ ماوه‌ی 20 خوله‌ك هه‌تا گیراوه‌كه‌ وشك ده‌بێته‌وه‌.
دواتر رِوخسار یان هه‌ر شوێنێكمان كه‌گیراوه‌كه‌مان له‌سه‌ر داناوه‌ به‌ ئاوی شله‌تێن ده‌شۆین، له‌به‌ر ئه‌وه‌ی به‌هارات په‌ڵه‌ به‌جێده‌هێڵێت له‌پاش به‌كارهێنان بۆیه‌ پێویسته‌ بۆ رِزگاربوون لێی پارچه‌یه‌ك لۆكه‌ به‌ زه‌یتی زه‌یتون یان زه‌یتی منداڵ چه‌وركه‌ین وپێسته‌كه‌ی پێبسرِینه‌وه‌.
بۆ ئه‌وه‌ی  ئه‌نجامێكی باش و خێرا بدات به‌ده‌سته‌وه‌ باشتر وایه‌ ئه‌م ماسكه‌ هه‌فته‌ی چه‌ند جارێك به‌كار بهێنرێت

‎ماسكی شیر و ئاوی گوڵ ولیمۆ

‎-كوپێك شیر
‎-گوشراوی لیمۆ
‎-یه‌ك كوپ ئاوی گوڵ
گیراوه‌كه‌ ده‌درێت له‌پێستی روخسار یاخود جسم وه‌ ئه‌گه‌ر ویستت ئه‌نجامێكی باشتر و خێرای هه‌بێ ده‌توانیت دوو ئه‌وه‌نده‌ به‌كاربێنیت،بۆ ماوه‌ی ٤٠ خوله‌ك به‌ پێسته‌وه‌ ده‌هێڵرێته‌وه‌.

‎بۆ  بینینی سودی ته‌واو له‌ شیره‌كه‌ پێویسته‌ ئه‌م ماسكه‌ بۆ چه‌ند هه‌فته‌یه‌ك دوباره‌ بكرێته‌وه‌،باشتر وایه‌ پێش به‌كارهێنانی ماسكه‌كه‌  گه‌رماوی هه‌ڵم به‌كاربهێنرێت بۆ كردنه‌وه‌ی كونیله‌كانی پێست،به‌ڵام دوای به‌كارهێنانی پێویسته‌ ته‌قشیر بۆ پێست بكرێت به‌ شه‌كری ده‌ستكرد و زه‌یتی زه‌یتون.

PUKmedia و/ژێنه‌ر محه‌مه‌د

سه‌رچاوه‌/ سیدتی