سلێمانی.. مه‌ستوره‌ی ئه‌رده‌ڵانی یه‌كه‌مین ژنه‌ نوسه‌ری كورده‌

.

ئێواره‌ی ئه‌مرۆ 2-9-2018 له‌  شاری سلێمانی پانێلێكی زانستی له‌سه‌ر ژیان و كه‌سایه‌تی مه‌ستوره‌ خانی ئه‌رده‌ڵانی به‌ڕێوه‌چوو، كه‌ ئاماژه‌ به‌سه‌رجه‌م وێستگه‌كانی ژیان و به‌رهه‌م و تواناكنی ئه‌و خانمه‌ كورده‌ كرا.

ئینستوتی نارین بۆ توێژینه‌وه‌ و بڵاوكردنه‌وه‌ به‌ هاوبه‌شی كۆلێژی زانسته‌ مرۆڤایه‌تیه‌كانی زانكۆی سلێمانی ، له‌ مه‌ڵبه‌ندی ڕۆشنبیری زانكۆی سلێمانی پانێلێكی زانستی بۆ هه‌ریه‌كه‌ له‌ ( پ.ی. د. ئارام علی، پ.ی.د. مه‌هابد كامیل، پ.ی. د. پشكۆ حه‌مه‌ تاهیر) ڕێكخست، كه‌ پانێڵسته‌كان ئاماژه‌یان به‌ ژیان و  زمانی شیعری و  بواره‌كانی نوسینی مه‌ستوره‌ خانم كرد.

سه‌باره‌ت به‌ لایه‌نه‌كانی پانێڵه‌كه‌،د.ئارام علی یه‌كێك له‌ به‌شداربوانی پانێڵسته‌كه‌  بۆ PUKmedia وتی: ئینستوتی نارین و كۆلێژی زانسته‌ مرۆڤایه‌تیه‌كانی زانكۆی سلێمانی، پانێڵێكیان ڕیچكخستووه‌، مه‌ستوره‌ خانم ( شه‌ره‌فخانمی كوردستانی)، مێژوو نوس، شاعیر نوسه‌ر بووه‌، نزیكه‌ی 200 ساڵێك پێش ئێستا له‌ سنه‌ پایته‌ختی ئه‌رده‌ڵان  ژیاوه‌، ژنی یه‌كێك له‌ میره‌كانی ئه‌رده‌ڵان بووه‌ و كه‌سێكی زۆر به‌ توانا بووه‌، چونكه‌ تا ئه‌و كاته‌ له‌ هه‌موو ڕۆژهه‌لاتی ناوه‌ڕاستدا به‌ دانپیادانانی كوردناسانی بیانی به‌تایبه‌ت ئه‌ڵمانیا و ڕوسیا، مێژوو نوسێكی وه‌ها به‌ توانا له‌ ڕۆژهه‌لاتی ناوه‌ڕاستدا بوونی نه‌بووه‌ .

سه‌باره‌ت به‌ توانای زانستی د. ئارام عه‌لی وتی: له‌وه‌ مه‌ستووره‌ خانم له‌ زانسته‌كانی ( فیقه و  شه‌رع و زانسته‌ ئیسلامیه‌كاندا ) شاره‌زاییه‌كی باشی هه‌بووه‌، كتێبێكی هه‌یه‌ له‌سه‌ر شه‌ریعه‌، هه‌روه‌ها له‌سه‌ر شاعیرانی كورد كه‌ چاپ نه‌كراوه‌، هه‌روه‌ها شعری به‌ زمانی فارسی و زاراوه‌ی هه‌ورامی هه‌یه‌، مه‌ستووره‌ خانم هاوچه‌رخی نالی و مه‌وله‌وی بووه‌، هه‌تا نالی شعرێكی بۆ نوسیوه‌، و اعترافی  به‌ شاعیری بوونی مه‌ستوره‌دا ناوه‌.

ده‌رباره‌ی دواین وێستگه‌ی ژیان و كتێبی مێژوویی، ئه‌و مامۆستایه‌ی زانكۆ وتی: دوای ئه‌وه‌ی قاجه‌ریه‌كان له‌ ڕێگه‌ی ژن و ژنخوازیه‌وه‌ ده‌ست ده‌گرن به‌سه‌ر  میرنشینی ئه‌رده‌ڵاندا، خه‌سره‌و خانی ناكام كه‌ مێردی مه‌ستوره‌ بووه‌،ژنێكی تریشی هه‌یه‌ كه‌ كچی فه‌د علی شای ئێران ده‌بێت،ورده‌ ورده‌ قه‌جاریه‌كان ده‌سه‌ڵات ده‌گرنه‌ ده‌ست و كاتێك خه‌سره‌و ده‌مرێت، ده‌یانه‌وێت ده‌سه‌ڵاتدارانی ئێرانی زیاد بكه‌ن، بۆیه‌ مه‌ستوره‌ خانم ناچار ده‌بێت بێته‌ شاری سلێمانی، ئه‌و كاته‌ له‌گه‌ڵ نوسینه‌وه‌ی میچژووی ئه‌رده‌ڵانیه‌كان ده‌بێت به‌ ناوی( مێژووی ئه‌رده‌ڵان) بووه‌،بۆی ته‌واو ناكرێت و له‌ ته‌مه‌نی 45 ساڵیدا كۆچی دوایی ده‌كات و گۆڕه‌كه‌شی له‌ گردی سه‌یوانه‌.

PUKmedia گۆران قادر