ئاگادارییه‌كی گرنگ بۆ كه‌سوكاری شه‌هیدان

.

وه‌زاره‌تی شه‌هیدان داوا له‌ وارسی شه‌هیدان و ئه‌نفالكراوان و زیندانیانی سیاسی له‌ هه‌رێمی كوردستان ده‌كات، ئه‌وانه‌ی خۆیان له‌ سیستمی بایۆمه‌تری تۆمار نه‌كردوه‌، له‌ ماوه‌ی سێ رۆژدا خۆیان تۆمار بكه‌ن، ئه‌گه‌ر نا مینحه‌كانیان ده‌بڕدرێت.

له‌ راگه‌یه‌نراوێكی وه‌زاره‌تی كاروباری شه‌هیدان و ئه‌نفالكراوان، كه‌ ئه‌مڕۆ 2-9-2018، كۆپییه‌كی بۆ PUKmedia نێردراوه‌ تێیدا هاتووه‌، وه‌زاره‌تی كاروباری شه‌هیدان و ئه‌نفالكراوان داوا له‌ وارسی سه‌رجه‌م شه‌هیدان و ئه‌نفالكراوان و زیندانیانی سیاسی له‌ هه‌رێمی كوردستان ده‌كات، ئه‌وانه‌ی بایۆمه‌تریان پڕنه‌كردوه‌ته‌وه‌و باركۆی بایۆمه‌تریان نییه‌، كه‌ پێویسته‌ له‌ماوه‌ی سێ رۆژدا په‌یوه‌ندی به‌ به‌ڕێوه‌به‌رایه‌تی گشتی شه‌هیدانه‌وه‌ بكه‌ن له‌ شاره‌كانی (هه‌ولێر، سلێمانی، دهۆك)، بۆ خۆتۆماركردن و دروستكردنی باركۆدی بایۆمه‌تری، ئه‌گه‌ر له‌و ماوه‌یه‌دا خۆیان تۆمارنه‌كه‌ن، به‌پێچه‌وانه‌وه‌ لیژنه‌ی بایۆمه‌تری ئه‌نجومه‌نی وه‌زیران هیچ مامه‌ڵه‌یه‌ك وه‌رناگرێت، دواجار مینحه‌كانیان ده‌بڕدرێت.

PUKmedia راگه‌یاندنی وه‌زاره‌تی شه‌هیدان