سوید.. هه‌نگاوه‌ نادیاره‌كان خه‌ڵاتی باشترین فیلمی به‌ده‌ستهێنا

.

فیلمێكی دۆكۆمێنتاری كوردی به‌شداری  فێستیڤاڵێكی نێوده‌وڵه‌تی ده‌كات و خه‌ڵاتی باشترین فیلم وه‌رده‌گرێت.

هه‌نگاوه‌ نادیاره‌كان فیلمێكی كوردیه‌و باس له‌و خێزان و گه‌نجانه‌ ده‌كات، كه‌ به‌ ڕێگای نایاسایی كۆچ بۆ وڵاتانی ئه‌وروپا ده‌كه‌ن، فیلمه‌كه‌ له‌ ده‌رهێنانی تاریق تۆفیق ناسراو به‌ ( حه‌مه‌ تاریقه‌) و بووه‌ باشترین فیلم له‌ فێستیڤاڵی نێوده‌وڵه‌تی ( هۆگا گۆستای) له‌ وڵاتی سوید.

سه‌باره‌ت به‌ فیلمه‌كه‌و وه‌رگرتنی چه‌ندین خه‌ڵات، حه‌مه‌ تاریق ده‌رهێنه‌ری هه‌نگاوه‌ نادیاره‌كان له‌ لێدوانێكی تایبه‌تدا بۆ PUKmedia وتی: هه‌نگاوه‌ نادیاره‌كان، فیلمێكی دۆكۆمێنتاریه‌ و دوای سه‌ركه‌وتنی له‌ فێستیڤاڵی سلێمانی، له‌ سێیه‌مین به‌شداریدا، خه‌ڵاتی یه‌كه‌می فێستیڤاڵی  نێوده‌وڵه‌تی( هۆگا گۆستای) له‌ وڵاتی سوید بۆ باشترین فیلمی به‌ده‌ستهێنا، كه‌ له‌ ماوه‌ی رۆژانی (25و26-8-2018) به‌رده‌وام بوو.

ده‌رهێنه‌ری هه‌نگاوه‌ نادیاره‌كان ده‌رباره‌ی ئه‌و وڵاتانه‌ی كه‌ له‌ كێبڕكێدا بوون، وتی: له‌ 30 وڵاته‌وه‌ فیلم بۆ فێستیڤاڵه‌كه‌ نێردابوو، هه‌روه‌ها 12 وڵاتیش كێبڕكێیان ده‌كرد بۆ به‌ده‌ستهێنانی خه‌ڵاته‌كه‌، له‌ ئه‌نجامدا فیلمه‌كه‌ی ئێمه‌ بووه‌ یه‌كه‌می فێستیڤاڵ.

له‌ كۆتایشدا حه‌مه‌ تاریق ده‌رهێنه‌ری(هه‌نگاوه‌ نادیاره‌كان) وتی: زۆر خۆشحاڵم كه‌ فیلمێكی كوردی له‌ نێو ئه‌و هه‌موو فیلمانه‌دا ،خه‌ڵاتی باشترین فیلمی به‌ده‌ستهێنا، به‌ڵام به‌داخه‌وه‌ به‌هۆی وه‌رنه‌گرتنی ڤیزه‌وه‌ نه‌متوانی خۆم به‌شداری له‌ فێستیڤاڵه‌كه‌دا بكه‌م.

PUKmedia  گۆران قادر