گه‌نج له‌ بازنه‌یه‌كی داخراودا !

.

شه‌هریه‌ ئه‌حمه‌د محێدین
بناغه‌ی هه‌ر كۆمه‌ڵگایه‌كی ته‌ندروست تاكی ته‌ندروسته‌، مه‌به‌ست له‌ تاكی ته‌ندروست هیزو بازووی تاكه‌كانی كۆمه‌ڵگایه‌ به‌وه‌ی چۆن بتوانرێت په‌ره‌ به‌ تواناو لێهاتوییان بدرێت بخرێنه‌ سه‌ر كارو پیشه‌ی تایبه‌ت به‌ خۆیان، به‌ دیوه‌كه‌ی تریشدا بوونی ریًژه‌یه‌كی زۆرتر له‌ گه‌نج له‌ كۆمه‌ڵگادا بناغه‌یه‌كی تره‌ بۆ كۆمه‌ڵگایه‌كی ته‌ندروست ، دیاره‌ بناغه‌ی كۆمه‌ڵگایه‌كی ته‌ندروست ته‌نها ئه‌مه‌ نیه‌ كه‌ من لێره‌دا باسی ده‌كه‌م ئه‌مه‌ ته‌نها نمونه‌یه‌كه‌.

كه‌واته‌  بۆئه‌وه‌ی ئێمه‌ كۆمه‌ڵگایه‌كی ته‌ندروستمان هه‌بێت ده‌بێت تاكی ته‌ندروست په‌روه‌رده‌ بكه‌ین بێ گومان په‌روه‌رده‌ كردنیش به‌ته‌نها ئه‌ركی دایكان و باوكان نیه‌ به‌ڵكو ئه‌ركی ده‌وڵه‌ت و  هه‌موو ئه‌وانه‌شه‌ كه‌ بانگه‌شه‌ی چاكسازی كۆمه‌ڵایه‌تی و كۆمه‌ڵگای مه‌ده‌نی ده‌كه‌ن، ئه‌مه‌ ده‌بێته‌ ته‌واوكه‌ری ئه‌و ژیانه‌ی كه‌ به‌ شایسته‌ی هه‌مووانی ده‌زانین.

قۆناغ به‌ قۆناغ له‌گه‌ڵ شارستانیه‌ت و پێشكه‌وتنه‌كان دا كه‌مێك ژیان زه‌حمه‌تتر دێته‌ پێش چاو چونكه‌ خواستی تاك بۆ پێداویستیه‌كانی ژیان زیاترده‌بێت دۆخی ژیان جیاوازتر ده‌بێت، به‌ تێپه‌ربوونی كاتیش هه‌موو شتێك جیاوازترده‌بێت كه‌وایه‌ ژیانیش پێویستی به‌ خۆئاماده‌كردنی زیاتر ده‌بێت تا كۆمه‌ڵگایه‌كی ته‌ندروست بخولقێ، به‌ردی بناغه‌ی كۆمه‌ڵگا رێژه‌ی گه‌نجه‌ تا چه‌ند رێژه‌ی گه‌نج زیاتر بێت بێ گومان كۆمه‌ڵگاش ته‌ندروسترده‌بێت ، بایه‌خ دان به‌ گه‌نج و ریزگرتن له‌ گوتارو بۆچونه‌كانیان له‌ خۆیدا بایه‌خدانه‌ به‌ لایه‌نێكی تری ژیان و كۆمه‌ڵگا . له‌ كۆمه‌ڵگای ئه‌وروپی دا زیاتر ئه‌م بایه‌خ پێدانه‌ دێته‌ به‌رچاو وه‌ك له‌م كۆمه‌ڵگایه‌ی ئێمه‌دا ، هیچ هه‌نگاوێكی دلخۆشكه‌ریش بۆ ئه‌و مه‌به‌سته‌ نه‌نراوه‌ چ له‌لایه‌ن حكومه‌ته‌وه‌ بێت یان رێكخراو دامه‌زراوه‌كانی تر ، به‌داخه‌وه‌ رۆژێك به‌ناوی خاك و رۆژێك به‌ناوی تیرۆرو رۆژێك به‌ناوی سیاسه‌ته‌وه‌ رۆژێك به‌ ناوی شه‌ره‌ف و رۆژێك به‌ناوی هه‌نده‌ران و رۆژێك به‌ناوی ئه‌زمه‌ی بێ كاری یه‌وه‌ رۆژێكیش به‌ ناوی ڕووداوه‌ خۆنه‌ویسته‌كان و قێزه‌وه‌نه‌كانه‌وه‌ ده‌كرێن به‌ قه‌لغان و قوربانی بۆ داگیركاری یان نه‌ریتێك یان كلتورێك كه‌ چه‌نده‌ها ساڵه‌ پێوه‌ی گیرۆده‌ین ئائه‌مه‌یه‌ كۆمه‌ڵگای كوردی ده‌بێت به‌خته‌وه‌ری و دڵخۆشی له‌ كوێیدا له‌نگه‌ری گرتبێت له‌ژێر سایه‌ی سیاسه‌تێك دا كه‌ سیاسه‌تمه‌داره‌كانی جگه‌ له‌ مافیا هیچی تر نین ئه‌وان بوون به‌  مافیای نه‌وت و غازو ده‌رمان سیاسه‌تێكی چه‌وت و گه‌نده‌ڵ سه‌ركردایه‌تی بكات هه‌ر ئه‌و جۆره‌ی لێ چاوه‌روان ده‌كرێت به‌مه‌ش ده‌وترێت ژیان له‌ كۆمه‌ڵگایه‌كی ......................ژیان له‌ پێناوی مانه‌وه‌ ژیان له‌ پێناوی ترس یاخود له‌ پێناو پاراستنی سامانی به‌رپرس و چاوچنۆك و دزه‌كان سه‌رباری ئه‌وانه‌ش ئه‌م هه‌موو زه‌حمه‌تیه‌ش له‌ سه‌رشانی گه‌نجه‌ ، گه‌نجانی ئێمه‌ هه‌میشه‌ له‌ وێستگه‌ی چاوه‌روانی دان ئاخۆ كه‌ی بێت دامه‌زرێم كه‌ی بێت اقامه‌ی ده‌وڵه‌تێك له‌ گیرفانمدا بێت هاوتای منداڵی به‌رپرسه‌كان له‌ وڵاتێكدا بژیم ....خولیا و ئاره‌زووه‌كانم له‌ رێی تواناو لێهاتووه‌كانمه‌ وه‌ به‌ ده‌ستیان بهێنم یان نا بۆ ئه‌مه‌ و نا بۆ ئه‌وه‌، به‌ڵی دواجار هه‌موو ئه‌وانه‌ له‌ كۆرسێكی هاوینه‌دا هه‌مووان ده‌یڵینه‌وه‌،  هه‌رچیه‌ك بێت نابێت رێگه‌ بدرێت به‌هه‌موو ئه‌وانه‌ كه‌ پێشتر وتم به‌تایبه‌تیش كۆنترۆڵكردنی عه‌قڵی گه‌نج و به‌ كاڵابردنیان به‌تایبه‌تیش له‌كاتی بانگه‌شه‌ی هه‌ڵبژاردنه‌كان ئه‌مه‌ ئه‌و شته‌یه‌ كه‌ زۆر ئازارم .